— 70—
instrumenta ipsa pro omni solemnitate vallata: sed tam diu competat et peti possit jus prothimisios quamdiu in ipsis instrumentis non apparuerit scriptus dies praesentationis eorum.
53. Ex quibus contractibus jus prothimisios competat. Vigesimo Novembris. VII. indictionis. Anno incarnationis MCCXCIII. Provisum et ordinatum est per universitatem Messanae quod jus prothimisios competat tam jure sangui- nis quam contiguitatis loci ex omni contractu celebrato in- ter contrahentes, ex quo transfertur dominium utile vel directum: nihilominus consuetudine antiqua quantum ad solemnitates subscriptionum in suo robore permanente. Excepto in dotibus dandis haereditatibus legatis divisioni- bus et quibuslibet contractibus initis inter parentes et libe- ros in infinitum, et fratres et sorores et filios fratrum et sororum.
54. Ex quibus contractibus jus prothimisios competat:
et venit ad declarationem praecedentis consti- tutionis. Anno domini MCCCII. die primo Novembris VI. Indictio- nis. Cum sit de antiquis consuetudinibus civitatis Messa- nae quod in venditionibus rerum stabilium per curiam celebratis jus prothimisios competat tam ratione sanguinis quam contiguitatis loci. Et propterea quod in eis diversae fraudes fiebant: et quod veraciter vendebatur: commento fraudis in donationibus permutationibus et in aliis diversis contractibus simulata concipiebatur. Actum extitit, et in novam consuetudinem deductum Anno domini MCCXCIII. de mense Novembris VII. indictionis. quod dictum jus pro- thimisios competeret ex omni contractu celebrato inter contrahentes, ex quo transfertur utile dominium vel direc- tum. Excepto in dotibus haereditatibus legatis divisionibus et quibuscumque contractibus initis inter parentes et libe- ros in infinitum et fratres et sorores et filios fratrum et sororum. Et ex hac exceptione dubia oriebantur propter generalitatem verborum quae continentur in eis scilicet, et quibuscumque contractibus etc. propter quae videbatur inui quod in venditionibus inter dictas personas celebratis dictum jus non competeret. Declaratum extitit per eandem universitatem solemniter et statutum quod dicta exceptio et si generalibus verbis tradita sit, non trahatur ad ven- ditiones sed ad casus ad quos prorogat nova constitutio