23
El. III, 7, 52.
Huic fluctus vivo radicitus abstulit ungues, Et miser invisam traxit hiatus aquam.
Hanc ommium scriptorum librorum lectionem tuetur Hertzbergius; quem sensum inde se eruturum speraverit, commentarius docebit. Nunc quidem non video quomodo intelligi possit. Lachmannus versum minorem ita dedit:
Et miserum invita traxit hiatus aqua. At ne hoc quidem aptum sensum praebere videtur. Equidem poëtam scripsisse suspicor: Huic fluctus vivo radicitus abstulit ungues, Et miserum in vastam traxit hiatus aquam. Praepositionem in Neapolitanus quoque a sequenti vocabulo sejunctam habet.—