— 167—

werden so mag derselbe sein vniüerkaufft korn alhie vff schudden oder aber sall Ime widdervmb fry vszgelassen werden Doch das es mit wissen der porttenherren gescheen, die 55 Ein Zteichen dartzu geben sollen.

nr. 21. Ugb. C 51. Ppp. nr. 5¹.(15. Jahrh.)

Vnser vndartange willige dinste, uwer Ersamen wysheit alletzyt bereit vorsichtigen lieben herren, als uwer wisheit geordent vnd gesast hat daz wir sollen halden sesz eymer zwo leitern einen hach(hacke) sesz personen an die porten vnd die zwene meister sich zu erscheynen wie daz der zedel vns gegeben uszwiset, solichs vns etzwas swerlich zu tün ist nach gelegenheit vnszs hantwerks nach dem der personen wenig sin, doch ist billich das wir uwerer Ersamkeit vndertan vnd gehorsam sin darjn ir vns willig finden sollent so ferre vns crafft vnd macht getragen mag darumb lieben herren biden wir flehelich uwer Ersame wysheit das ir daz gein vns gnadeclich in der nachgeschr sachen das vns vnd vnszm hantwerke grossen vnstaden brenget be- dencket, lieben herren, die Rulle die uwer wisheit vnszm hantwerke zu zyden geben hat wiszt vsz, das keyner das schererhantwerk trieben sal vnd sich zu meister setzen er sy dan vor burger vnd habe daz mit uwer Ersamkeit uszgetragen vnd sulle auch solicher keyne sich eynchis febendet vndersteen groisz oder cleyn er habe dan vor drü jare am

antwerke gedienet vnd die andern meister erkennen dasz er sich des verstee vnd welchan schedelich oder grobe wonden oder gebende zudweme der sulle des alleyne nit vndersteen sonder einen oder zwene ander meister am hantwerke dartzu nemen off daz die lude verwart vnd nit verwarloist werden vnd ist vns daz verpenet mit einer halben mark wer das nit tede, lieben herren, heruber sint nu ander, die vns die borden vnszs hantwerks nit helffen tragen die sich des gebendes vndertziehent vnd tun daz ir iglicher alleyne ane bywesen noch erkent- nisse ymands anders dardurch soliche uwer wisheit meynunge als ir vns verpenet hat off daz nymaud verwarloist werde, durch die nit er- fullet wirt, sonder wir die jm hantwerke sin, sin alleyn damit besweret, herumb liben herren biden wir flehelich uwer wisheit wulle vns uwer armen vnd vnsz handwerk dajnne off daz wir mit andirn hantwerken uch bybesteen mogen gnedeclich bedenken das vns solicher intrag vnd varnichtegunge vnsers hantwerks von den nit also geschee daz wellen wir mit willen alletzyt gerne verdienen vnd sin disz die die sich desz Eobendes in vorgeschr massen vnderwinden mitnamen komelhenne der reme, Johannes mane auch eyn kremer der zuchtiger hie der das nit alleyne in syme huse tud in massen ym erleubet waz sonder er tad es in Glostern vnd in andirn huszn uszwendig sins huszs

Die meister desz Barbiererhandwerks ².

Rückseite: Scherer. Komelhennen Johannes Mane vnd dem

hencker nit gestatten zu Ertzten. ² Ugb. C 51 D. 1406: Non daz hernachgeschrieben steet sin die gesetze der Sedeler Schilder Meler Gleser vnd Scherer...