— 44—

betzalet vnd geweret, vnd ensullen wir adir vnsir nochkomen an dem reiche adir nymand von vnsir wegen den juden besament adir besunder, darubir nicht zumúten noch zusprechen, noch an si vordern keynerlei gelt, keinerlei dinst, keynerley schatzunge adir forderunge, wi man das irdenken mag, on alle geuerd, dan di gulde, als sy dem stifte von Mentze vnd der herschaft von Eppinsteyn etzwy lange biz her von des reichs wegen gerichtet han, vnd wanne wir adir vnsir nochkomen an dem reiche zu Frankenfuͤrt komen, das si vns dan dienen sullen in vnsir cantzelarye mit permynte, in vnsirn hof mit betten, in vnsir kchen mit kesselen, als gewn- lich ist; andirs ensullen wir adir vnsir nochkomen an dem reich adir nyman von vnsern adir vnsir nochkomen wegen keinerley dinst von in eyschen, he sei cleyne odir grosz, adir wy he sei, alle di weile, das sy vnsern vnd des reichs burgern vnd der stat zu Frankenfürt pfandes sten, uzgenomen vnsir amplewte iren rechten; vnd sagen ouch wir di selben juden besament vnd besundern quit, ledig vnd loz aller dinste, aller geuelle vnd aller ntze, da mite sy vns vnd dem reiche in disen zeiten, di weil sie vnsern vnd des reichs burgern zu Frankenfürt pfandes sten, dienen mochten; vnd heizzen vnd gebiten wir bei vnsern vnd des reichs hulden den selben juden besament vnd besunder, das sy den burgern vnd der stat zu Franken- fürt fürwert warten vnd dienen, als vor stet geschriben, als lange biz wir adir vnsir nochkomen an dem reich sy von in gelôzen. Ouch was nutzes vnd geuelles di burger vnd stat zue Frankenfrt von den juden vfheben alle die weile das wir adir vnsir nochkomen an dem reich di juden von in nicht gelost enhaben odir ir geniezzent, den nutz vnd geuelle sullen die burger an irme gelde nicht abslahen, vnd haben wir in den nutz vnd geuelle von vnsern vnd des reichs wegen lu wIterlichen vnd gutlichen gegeben vnd gegiftet vnd gunnen es in wol vmb den schimberlichen, frntlichen, getrewin dinst, nutz, kost vnd arbeit, den die burger itzunt vns vnd dem reich getan haben vnd noch tun muͤgen, vnd vertzeien von vnsir vnd des reichs wegen lüterlich vnd gentzlich vff den nutz vnd geuelle, das wir adir vnsir nochkomen an dem reiche adir nymand von vnsir vnd des reichs wegen den burgern adir iren nochkomen vm den nutz vnd geuelle, den si von den juden in den zeiten mgen vfheben adir geniezzen, nymmer me ensullen noch enwellen zu- gesprechen mit keynerley sache adir in keynerley wyze, wi man das irdenken môchte, on alle geuerd. Ouch versprechen vnd ver- heizzen wir vns mit disem vnserm briue, das wir nymand kein gelt vf diselben juden adir vff irem gute adir vff irer scholt ensullen geben, vnd di selben juden adir ir gut adir ir scholt ouch nymand andirs sullen versetzen adir enweg geben, diweil das sye den burgern vnd stat zu Frankenfurt adir iren nochkomen pfandes sten; vnd