Anhang.

König Karl IV. verpfändet der Stadt Frankfurt die Juden daselbst um 15200 Pfund Heller mit allen Nutzun- gen und Diensten. Frankfurt 1349, Juni 25.

Wir Karl von gots gnaden, romischer kúng, ze allen zeiten merer des reichs vnd küng ze Beheim, veriehen vnd tun kunt offenlich mit disem briue allen den di in sehen, horen odir lesen, das wir durch küntliche, schimberliche not vnsir vnd des reichs, di itzunt vfirstanden ist vnd etzwy lange gewerit hat, von criege vnd zweyunge wegen des reichs vnd dorumb wir vnd das reich in scholt, kost, arbeit vnd grozzen schaden komen sin, vmb die not, scholt, arbeit vnd schaden zu enthebene vnd zu entschüůtene, dem reiche zu eren vnd zu nutze, han wir gerett vnd vbirkomen mit den scheppfen, dem rat vnd den burgern ze Frankenfurt, vnsern vnd des reichs liebin getrewin, das si an haben gesehen vnsir vnd des reichs ere vnd nutz, vnd haben wir mit in, vnd sye mit vns vbirkomen vnd haben sye dorumb iren grozzen schaden getan vnd haben vns vnd dem reiche zu nútz vnd eren vnd den schaden vnd di scholt zu enthebene, gereichet vnd betzalet funf- tzehen twsent pfunt vnd zweyhundirt pfunt haller guter werunge, di wir in küúntliche, schimberliche ntze vnd not des reiches, als vor geschriben ist, gewant vnd gekerit haben; fůr di selben summen geldes haben wir in zu pfande gesatzt vnd verpfendet vnsir juden gemeinlichen zu Frankenfürt, vnsir camerknechte, rych vnd arm, di itzunt do sint, adir her noch dar komen muͤgen, samenthaft vnd besundirn, ir leib vnd ir gút zu Frankenfurt adir vzwendig derselben stat, in der selben termenye adir anderswo, wo es sei, ligende, flizzende adir farende, virsucht vnd vnuersucht, ouch an bereyter habe, adir wi man es irdenken adir genennen kan vnd mit namen ire hôfe, ir husere, iren kirchhof, iren schulhof, ir eygen vnd ir erbe vnd was sy haben, ynnewendig adir vzwendig der stat zu Frankenfürt gelegen, das di juden vnd ir gut vnsern vnd des reiches burgern vnd der stat zu Frankenfurt vnd iren noch- komen zu dinste sullen sten mit allen nůtzen, allen gefellen, allem dinste adir was si ir geniezzen muͤgen adir von in vfheben, wi man des irdenken mag, adir wi das ist, also lange, biz das wir adir vnsir nochkomen an dem reiche di juden von den burgern der stat zu Frankenfürt odir von iren nochkomen widir gelôzen mit funf- tzehen twsent pfunden vnd zweinhundert pfunden haller guter werunge vnd das wir das gelt den von Frankenfurt gentzlich haben