— 29—

mendandam Senatus Academiae judicaverit, nihilominus Professorum Academiae unus juxta ordinem eumdem adjungatur, qui Pro-Rector seu Vice-Rectoris munus ac gubernationis Scholasticae labores sustineat.

III.

Tempus electionis et renunciationis novi Rectoris eo die quotannis habebitur, quo

introductio Academiae solemnis facta est, nempe Julii decimo septimo. IV.

Electio vero non sortito sed suffragiis Senatorum, octiduo ante diem renunciationi destinatum, in loco Consistorii Academiae usitato, peragatur, et a nobis, hæredibus et suc- cessoribus nostris confirmanda petatur. Qua confirmatione impetrata, renunciatio et procla- matio publica fiat in templo Collegii, praesentibus omnibus Academiae Civibus.

V.

Hoc modo electus et renunciatus juramentum præstabit quod sequitur. Ego N. Rector Academiae Hasso-Schaumburgicae promitto et juro, me Academiae hujus dignitatem et jura fideliter et sedulo conservare et defendere, et leges ac statuta illius efficaciter pro mea virili exsequi et tutari. Tum Serenissimi Principis ac Domini Domini Ernesti, Prin- cipis, Comitis Holsatiae Schaumburgiae et Sternbergae Domini Gehmae etc. Domini nostri Clementissimi, Haeredumque et Successorum ejus, atque totius Academiae commoda et ho- norem, sine fraude et dolo tueri et promovere; atque intra 8. dies post renunciationem novi Rectoris, qui mihi successurus est, mei officii rationem Consilio Academiae fideliter reddere, et intra mensem proximum, nisi de consensu Academiae ex hac urbe non disce- dere velle sic me Deus adjuvet.

VI.

Ritus autem in renunciatione novi Rectoris hoc ordine debet peragi in loco so- lemni et actibus Academiae deputato.

VII.

Primum Rector prioris anni, depositurus Magistratum habeat orationem brevem. Qua finita indicet alium Rectorem N. N. qui sibi succedat, electum esse.

VIII. Deinde vocato in Cathedram novo Rectore, proponat juramentum ex charta legendum.

IX.

Tum tradat et signa Magistratus Academici, Sceptra, librum Legum, Matriculam, Sigillum, Arcam: et inter tradendum de singulis insignibus brevem declarationem addat. X.

. Post modum novus Rector Cancellario Academiae, stipulata manu fidem det, quod officio suo fideliter juxta nostra instituta et Academiae leges fungi velit. XI. Deinceps idem electus Rector Cursores seu Pedellos Academiae juramento obliget. XII.

Postremo sermonem de commendato sibi officio tuendi et exsequendi leges Acade-