— 14—

dinarius, qui et Senior appellari solet, duobus prioribus diebus prælegat Codicem, alteris posterioribus feudorum consuetudines et connexas Recessuum Imperialium materias. Secundus Pandectus.

Tertius prioribus diebus jus Canonicum, posterioribus ordinationem Cameræ Im- perialis, quæ processus juris continet, quem imitari et sequi tribunalia inferiora jubentur.

Quartus tribus prioribus diebus Institutiones Juris, quas singulis annis vel quo- libet sesquiennio semel absolvet, quarto die titulum de verborum significatione, vel de re- gulis juris exponat.

II.

Si quis forte extraordinarius Professor ex singulari gratia et indulgentia nostra accesserit ei volumus, ut materiam et horam convenientem Cancellarius Academiæ nostræ cum consensu Consiliariorum nostrorum Aulicorum præscribat et attribuat; nisi nos De- cano et reliquis doctoribus Juridicæ Facultatis id commiserimus.

TIITULUS IV. De Receptione Professorum Juris utriusque. J.

Omnes doctores Juris in Academia aliqua publice et legitime promoti a nobis, hæredibus et successoribus nostris Principibus Holsato-Schaumburgicis ad munus in hac Academia docendi ac profitendi, solemniter vocati in Collegium Facultatis Juridicæ a De- cano, reliquorum tamen Collegarum consilio accedente recipiantur et hoc modo recepti, Decano Aureum Hungaricum, qui ei soli cedat, pro inscriptione in Matriculam Facultatis Juridicæ, numerare teneatur.

II

Recipiendi autem in Facultatem Juridicam, tempore receptionis Decano et Seniori seu ordinario jusjurandum praestent, quod velint servare statuta et statuenda a Collegio Facultatis Juridice juxta leges divinas et humanas.

SECTIO III. De Offleio Facultatis Medicæ. TITULUS I. Medicina ex Quibus Auctoribus Tradenda.

I.

Medicinam, quam Deo docente et inspirante prisci illi artifices divinitus excitati Hippocrates, Theophrastus, Galenus, Dioscorides apud Græcos; Avicenna, Averroës, Rhasis, apud Arabes; Cornel: Celsus, Sammonicus Macer apud Latinos, et patrum memoria Theophrastus Paracelsus, homo Germanus, recte et integre constituerunt et tradiderunt, conservari ac propagari docendo in Academia nostra volumus, eo ordine ac modo, quem sequenti Titulo præscribemus.

II.

Empiricos vero omnes et Chymicorum quoque minus perita et explorata dogmata,

cum vero Medicinæ principiis pugnantia, penitus ex Academia nostra eliminari et explodi