46 vnd ſweren Ire heymlichkeit nicht zu melden, Wir ſin auch ubirkomen, das der zewelff Scheffen nicht me dan eyner von eynem geſlechte ſin ſal, vnd die andern die an Rate ſin ſoln zudieſſer zeyt mit den Scheffen vnd den vieren darane blyben, doch alſo wann Irer eyner von todeſwegen abegegangen iſt daz man alſdan keyne andere an des abegegangen ſtad kieſe adir ſetze, Man ſal auch alſdicke eyner vß den Scheffen von todeswegen abegehit eynen andern vß dem Rate an des ſtad nemen vnd alſdan an des Raids ſtad auch keyne andern kieſen, vnd wann der Raid alſo gantz vorſtorben vnd abe were, ſo ſal er by den zewelff Scheffen vnd den vieren von der gemeynde bliben vnd keinen andern Raid an vnſern wyſſen vnd geheiße me kieſen, Wir ſin auch nemlich ubirkomen abe die Scheffen ſache vornemen die die vier von der gemeynde hinder den zeunftmeiſtern mit yn nicht getruweten vßzurichten So muchten dieſelben vier die ſache hinder ſich an die Zeunfte bringen, vnd duchte dan aber die vier daz ſie das mit den zeünften auch nicht vßgerichten muchten, So muchten ſie es abir vorbaſſir an vns vnd vnſere erben vnd vnſer Amptlute bringen vnd ſulten damitd widder Irer eyde nicht..... haben Item ſal Iglicher alle Jar Schoſſen vf ſinen eyd wie des Scheffen Raid vnd gemeynde ubirkomen, vnd alsdan das geſchoß vfhebin bynnen drein vierzeehn nachten als gewuntlich iſt Item ſoln zeunft gemende alle Jar eynen Burgermeiſter kieſen vß den zewelff Scheffen, So ſoln die zewelff Scheffen eynen vnder Burgermeiſter vß den gekoren vieren von der gemeynde kieſen, Item ſoln iglichs Jars eynen vß yn vnd die vier von der gemeynde alle Jare auch eynen vß yn kieſen vnd ſetzen zu Buwmeiſtern, vnd deſglychen ſoln Igliche partye eynen vß yn kieſen vnd ſetzen zu Raitkauf wynkonnern broid vnd fleiſchbeſehern vnd andere dingen die man zu beſehin pleget, Item eyn Burgermeiſter vß den Scheffen vnd eyn vnder Burgermeiſter vß der gemeynde mit Iren geſellen ſoln macht haben alle raitſchaft vß......... zu bezalinde(?), Es ſoln auch Burgermeiſter Scheffen vnd Raid vnd die vier Iglichs Jars vnd iglicher zeyt ſo ſie er rechenunge tün woln vns vnd vnſere erben zuuornt zuwyſſen..... ond bitten vnſere frunde dartzu zu ſchicken ſolche rechenunge zuhoren vnd mitde zuwyſſen, Auch ſoln Burgermeiſter Scheffen vnd gantze gemeynde nymands geſtaden noch gehengen ſelbgewalt noch frevil eyner an dem andern by yn in vnſerem Sloſſe zutunde in keynewies ſunder das mit hulffe vnſer Amptlute weren vnd vfhalten nach allem vormugen ane geuerde, Wir behalten auch vns vnd vnſern erben die macht alle vorgeſchreben artickel eynen adir me einenteil adir zumal alle zeyt wan vns daz ebind zuuerandern vnd es damitde zu machen wie vns dan dunckid vns vnd vnſer Stad noid vnd beſts ſin, Dieſs zu vrkunde han wir vnſer Ingeſigil hiran tun hengken Ipo die Conuerſion Sancti Pauli, Sub Anno dm Millesimo quadrageſimo vicesimonono. (Das Siegel hängt unbeſchädigt an. Auf der äußeren Seite der Urkunde iſt von alter Hand geſchrieben:„Der Kore

brieff.“ An verſchiedenen Stellen, die wir oben mit Punkten bezeichnet haben, ſind die Worte theils gänzlich verwiſcht, theils wenigſtens ſehr zweifelhaft.)

(Die Fortſetzung folgt im nächſten Programme.)