45

wir, alſe dicke des noid iſt, eynen adir zwene vß vnſerme rate ſenden, die dar by ſin ſollen, vnd wen dieſelben vß der gemeynde darzu nemen die ſie dunket dar zu gut ſin vor den ſollen ſie rechenen das ydermann gliche geſchee vnd das dun in allen ſachen, die die ſtaid von rechenunge wegen ane treffen Ouch ſollen Scheffen vnd raid, die ane gerichte plegen zu ſitzen, Orteile ſprechen vnd an gerichte geen dem armen alſe deme richen, vnd das nymanne virhalten an alle geuerde, Der vorgenant raid gemeyne burger vnd ſtaid ſollen ouch abe wir lantgraue ludewig vnd vnſer erben Sture vnd hulffe bedorfften, vns zu legen, noch Irer virmogede alſe getruwe burgere Irem rechten herren plichtig ſin, ouch ane geuerde, Man ſal ouch halten alle nuwe zunfft brieffe die wir ytzunt gebin noch deme das In vnſers landes gemeynen nutz erkandt iſt, Es ſal ouch die vorgenant vnſer ſtaid, by deme vngelde vnd wintzappen bliben, Ire ſchult zu betzalnde, biß das wir ſie eyn anders heißen, Ouch ſal der vorgenant raid alle Jare ſetzen vnd vbirkommen vmme das bruwen was eyn iglich burger uff das Jar bruwen ſulle vnd nicht me, alſe ſie das uff Ire eide Erkennen vnſerme ſloße zu dem beſten, eyme alſe glich alſe dem andern, das man ouch by der buße alſo halten ſal, vnd wir lantgraue ludewig vorgenant wollen das hie midte der egenant raid vnd die gemeynde derſelben ſtaid vmme alle zweyunge miſſehel vnd ſpenne abe der was vmme diſſer vorgeſchreben ſache willen zwiſchen en geweſt were, gentzlichen vnd gruntlichen, gerichtet vnd gantz abe ſin, ond diſſe vorgeſchreben artikele vorbaßir von en ſtede vnd veſte gehalten werden by Iren eiten, die ſie vns gethain hain, Hie by abe vnd an ſin geweſt die edeln Johan graue zu Solmße vnd heinrich herre von Schonenberg, her Thieterich von Witerßhußen Commirthur des thutſchen huſis by Marpurg, Her girlach vnd her Johan von Breidenbach gebrudere, her herman Trotte her Tietherich rode her wigand von haitzfelt, her Reynhard von Swalbach rittere, diele von elben, hartmud vnd philippus milchelinge gebrudere, Wolff von wulffirßhußen Eckard von rorenfurte, hans von eyſinbach, Ebirhard ſchencke der Junghe, Godefrid von haitzfelt genant der ruwe, onſer lieben heymelichen amptlude vnd getruwen, vnd anders vele Irbarer lute vnſer manne vnd burgmann, Diſſes zu Orkunde, hain wir onſer Ingeſigel an diſſen brieff thun hencken, Datum Sabbato post Sanctorum Viti et modesti martirum Anno domini Millesimo Quadringentesimo Quartodecimo.

.(Das Siegel hängt an.)

4us Biin9t 1 13 ee eng wnctene aeeilate III. Wir Ludwig von Gots gnaden lantgraue zu heſſen bekennen vor vns vnd vnſer erben vffintlich in dieſem briefe, das wir angeſehin han gemeynen nutz, vnſers Sloßs Alſſelt vnd ſunderlich gunſt vnd dinſt den vns vnſer lieben getruwen alle zeuntfftmeiſter vnd gantze gemeynde daſelbs getan han, vnd han yn die gnade vnd willen getan, als ſie by vnſerm vatter ſeligen vormals gehabt han, Als hirnach geſchreben ſted, Czum erſten das dieſelben zeunffte vnd gemeynde, vier mit vnſerm wyſſen, vnd die vns dartzu gud duncken vß yn kieſen ſoln, die zu den zewelff Scheffen vnd zu dem Rate der itzunt iſt vf den Raid gehin vnd alle rechte helffen vßſprechen vnd mit...(mitde?) wyſſen, alle vfname vnd vßgifft von allem gelde daz die Stad an gebort vnd alle rechenunge mitde horen vnd da by ſin vnd auch wann man geſchoß adir meybete ſetzet adir ubirkomet vnd was die zewelff Scheffen Raid vnd die vier von der gemeynde, darvmb ſetzen adir machin eyntrechtiglichin, das ſal man alſo halten, vnd die gemeynde ſoln die vier andern iglichs Jars wann yn daz ebind vnd alſdicke des noid iſt, doch mugen die gemeynde der gekorn vier, als vorgeſchreben ſted, eynen adir zewene by den Scheffen vnd Rate der itzunt iſt laſſen vnd dartzu nüwe kieſen alſvil das Irer vier werden, vnd dieſelben vier ſoln Burgermeiſter vnd Scheffen globen