24

i cha's nit ſage, wieni ſott, Vergelts em Gott! Vergelts em Gott!

Und's Bergwerch ſoll im Sege ſtoh! s het menge Burger's Brod dervo. Der Her Inſpekter lengt in Trog, und zahlt mit Freud, es iſch kei Frog.

Drum ſchenket i, und ſtoßet a! Der Her Inſpekter iſch e Ma, mit üſers Gattigs Lüte g'mei, und fründli gege groß und chlei.

Er ſchafft e gute Wi ufs Werk, er holt en über Thal und Berg, er ſtellt en luter uffe Tiſch, und mißt, wie's recht und billig iſch.

Sell iſch verbei, der Ma am Füür muß z'trinke ha, wärs no ſo thür. Es rieslet menge Tropfe Schweiß, und wills nit go, men ächzet eis.

Me ſtreift der Schweiß am Ermel ab, me ſchnufet, d'Bälg verſtuune drab, und mengi liebi Mitternacht wird ſo am heiße Herd verwacht.

Der Schmelzer iſch e plogte Ma, drum bringem's ein, und ſtoßet a: