360

Capitan Monteßdora vbergeſchickt, der auch von jnen etwas wi⸗ der anttwortt eingebracht vermög derſelben ſich ettlichermaßen anſehen laſſen, alß ob ſy ſich der billichait weiſen laſſen wolten mit dem verſprechen von dannen nicht zu weichen ſonder alda der herren fernere Reſolution zu erwarten,

Aber vber dieſes ir Zuſagen ſeynd ſy alßbalt vffgebrochen vnd jren wege vff das dorff Aſſche vnd andere fleckhen vmb die Stadt Brueſſel gelegen zugenomen vnd ſich ſtettigs mit tro⸗ wortten hören laſſen, Brueſſel mit gewalt einzunemen vnd ſich an der Bürgerſchafft daſelbſt in vil wege zu rechen, dardurch die Gemainde bewegt vnd verurſacht worden zu den waffen zu greiffen vnd ſich wider gewalt zu erwehren vnd zu uerthe⸗ digen,

Mitlerweil hat man abermals obernenten Hauptman Mon⸗ teßdora zu inen den vnrubigen Hiſpaniern geſchickt welchen ſy mit großer vngeſtumighait ja mit vff jne ſchießen widerumben von ſich gejagt vnd jme gahr kain gehör geben wollen gleichwol baldt hernacher jme Monteßdora geſchrieben vnd begert daß er widerumbe zu Inen kommen wollte, wie auch den folgenden tag geſchehen das er zu Aſſche bey inen erſchinen die jnen zuge⸗ ſagt daß ſy ſich alda mit einander vnderreden vnd jme anſtundt ir endtliche anttwortt vnd Reſolution zukommen laſſen wolten indem ſie dann gahr groſſe und guette vertröſtung gegeben.

Daruff aber das widerſpill bey Inen erſchinen, dan anſtatt daß ſie ſolche jre vertröſte antwort ſchickhen hetten ſollen, ſeyndt ſy noch denſelbigen tag von dannen verruckt vnd gantz vngewar⸗ neter ſachen an etlichen vnderſchidlichen orten die Stadt Aloſt bey nächtlicher weyl mit ainem grewlichem geſchray angeloffen, erſtigen vnd alſo dieſelbig mit gewalt vnd vheindtlicherweiß ein⸗ genommen, daſelbſt etliche ſowohl Bauersleuth alß Bürger vmbgebracht vnd vnder andern auch ainen Iren Kun. Matt