358

Alß nun die Herren verordenter küniglicher Regierung gene⸗ ral dieſer landen von dieſem der Hiſpanier vnbefugtem fürne⸗ men bericht empfangen vnd bey jnen ſelbſt nicht vnbillig betrach⸗ tet daß dardurch die victory deren man bei yetziger Gelegenheit des vheindts geringen macht vnzweiffentlich zuuerhoffen, beno⸗ men müchte werden, haben Sy die herren Regenten vff alle mittel vnd wege getrachtet vermittelſt derſelbigen ſolich Ir der Hiſpanier fürhaben zuuerhindern vnd nicht allein Sy, ſondern auch die wallonen vnd andere Kriegsleuthe ſo in Belegerung der Stadt Zirickſehe gedient zu befriedigen,

Vnd jnen daruff zu vueglicher verguettung beuorſtehender meutterey die Erclerung thuen laſſen daß Sy die herren Regen⸗ ten guetlich zufriden, das die einmal hunderttauſend gulden, ſo die von der ſtat Zierickſehe erlegt genzlich vnd ohn ainichen ab⸗ gang vnder diejenigen Kriegsleuthe, ſo der Belegerung daſelbſt beigewohnet ausgeteilt vnd noch darzu Ir der Kriegsleuthe ab⸗ rechnungen für die hand genomen vnd mit ſolchen fürleihen von gelt alß vil in jrer der herren Regenten jetzigen vermügen, ver⸗ ſehen ſolten werden, daran ſy die Kriegsleuthe ſich der billichait nach zebenuegen vnd verſettigen ſolten haben laſſen,

Deſſen alles aber vnangeſehen haben die empörten Hiſpanier ire haubtleuth vnd beuelshaber von inen verjagt die Plätze vnd veſtungen ſo inen zu bewaren beuolhen geweſt aigens wil⸗ lens verlaſſen vnd ſich mit großer vngeſtümigkait in Bra⸗ bant begeben vnd alda zwiſchen wege jr Zuſammenſchwerung oder Mehr vnder der Meſſe des Sacramentes beſtettiget vnd fortan jren Wege vff Herentals genommen.

Dahin aus verordnung wolermelter herren Regenten der herr graff zu Manßfeld ſich perſönelich zu Inen verfuegt vnd vermög ſeines gehabten Beuels und Inſtrucktion von Irer der herren wegen Inen alles dasjenig angebotten was Sy die