452

Rituale Romanum

fuerit cum ipsis Apostolica auctoritate dispensatum, adnotetur gradus consan­guinitatis, vel affinitatis dispensatæ, et compendium decreti super ea relati, cum die, et anno, ac notarii de illo rogati nomine hoc modo:

Anno Domini... die... mensis... præ­missis Denuntiationibus, ac comperto im­pedimento secundi, vel tertii, aut quarti gradus consanguinitatis vel affinitatis, seu alio quovis, etc. inter N. et N. etc. obtentoque per eos Apostolicæ Sedis man­dato de dispensando, et cum eis per Reverendissimum Episcopum N. aucto­ritate dispensato sub die... anno... ut constat ex Actis Notarii officii prædicti Episcopi, eos Matrimonio conjunxi, etc. uf in prædicta formula.

Denuntiationes autem factæ in diversis Parochiis, sponsi videlicet et sponsæ, ab utroque Parocho in libro notari debent, etiam si Matrimonium non sequatur.

Forma describendi Statum animarum in

quarto Libro.

F

AMILIA quæque distincte in libro note­tur, intervallo relicto ab unaquaque ad alteram subsequentem, in quo singil­latim scribantur nomen, cognomen, ætas singulorum, qui ex familia sunt, vel tamquam advenæ in ea vivunt. Qui vero ad sacra Communionem admissi sunt, hoc signum C in margine e contra habeant.