De exorcizandis obsessis, etc 443 Circumdedérunt me vituli multi:* tauri pingues obsedérunt me.

A peruérunt super me os suum, sicut leo rápiens et rúgiens.

Sicut aqua effusus sum,* et dispersa sunt ómnia ossa mea.

Factum est cor meum tamquam cera li­quéscens* in médio ventris mei.

et

Aruit tamquam testa virtus mea, lingua mea adhæsit faucibus meis:* et in púlverem mortis deduxísti me.

Quóniam circumdedérunt me canes mul­ti:* concilium malignántium obsédit me. Fodérunt manus meas et pedes meos:* dinumeravérunt ómnia ossa mea.

Ipsi vero consideravérunt, et inspexé­runt me: * divisérunt sibi vestiménta mea, et super vestem meam misérunt sortem.

Tu autem, Dómine, ne elongáveris auxilium tuum a me:* ad defensiónem meam cónspice.

Erue a frámea, Deus, ánimam meam: * et de manu canis únicam meam.

Salva me ex ore leónis:* et a córni. bus unicórnium humilitátem meam.

Narrábo nomen tuum frátribus meis: in médio Ecclésiæ laudábo te.

*

Qui timétis Dóminum, laudáte eum: universum semen Jacob glorificáte eum.

Tímeat eum omne semen Israel:* quó­niam non sprevit, neque despéxit de­precatiónem páuperis.