TES

22

Rituale Romanum,

Hic denique Ritualis liber sit paratus; et item liber Baptismalis, in quo baptizati desèribuntur.

Omnibus igitur opportune præparatis, Sacerdos ad tanti Sacramenti administrationem, lotis manibus, accedat: superpelliceo, et stola violacea indutus, Clericum unum, seu plures, si potest, secum ad­hibeat, superpelliceo pariter indutos, qui sibi mi­

nistrent.

Ita paratus accedat ad limen Ecclesiæ, ubi foris expectant qui infantem detulerunt.

Interroget( nisi de his bene sibi constet), an sit suæ parochiæ, masculus, an fœmina, an sit domi bapti­zatus, et a quo, et quam rite, et qui sint com­patres, qui infantem teneant, pro eoque respon­deant: quos pie ac decenter assistere, ac prout opus fuerit, pro baptizando ad interrogationes re-. spondere admoneat.

Et quoniam iis, qui baptizantur, tamquam Dei filiis in Christo regenerandis et in ejus militiam adscribendis, nomen imponitur, curet, ne ob­scena, fabulosa, aut ridicula, vel inanium deorum, vel impiorum ethnicorum hominum nomina impo­nantur, sed potius, quatenus fieri potest. Sancto­rum quorum exemplis Fideles ad pie vivendum excitentur, et patrociniis protegantur.

His igitur expeditis, et accepto nomine bapti­zandi, positi, si infans fuerit, super brachium dextrum illius, qui eum defert, Parochus ad Ba­ptismum procedat, in hunc modum nominatim in­terrogans: