IV

instructionis omnibus clericis, extra Cathedralem et Collegiatas Ecclesias, districte præcepit, ne ,, dissonanter et differentur persolverent Divinum Officium." Quum vero nec ipsa hæc satis accu­rata et ornata editio id obtinuerit, ut disparitas Ecclesiarum in recitandis Horis Canonicis arce­retur, præclarissimus Ferdinandus de Fürstenberg, Episcopus Paderbornensis, Breviarium Romanum die 7. Decembris 1661 in Ecclesiam Cathedralem primum, annoque sequenti Dominica prima Ad­ventus in totam Diœcesim introduxit. Ne tamen, quod in bonum unitatis et fidei moliebatur, in damnum cederet et fidelium vita multiplici pieta­tis et gratiæ fonte manu gravi privaretur nonnul­lorum retinuit Officia Sanctorum, quorum venera­tioni fideles a sæculis justo ac debito etiam jure addicti erant. Quæ Officia propria per plures an­nos ex antiquo Breviario, ut videtur, recitata, pri­mo sub Hermanno Wernero de Metternich Epi­scopo( Paderbornæ, impensis Nicolai Dahmer, anno 1699) ad normam Breviarii Romani novo et elegantiori typo impressa reperiuntur, aucta jam Officio per annum de Sancto Liborio, Diœcesis Patrono, a Clemente XII. Summo Pontifice in­terim concesso. Per duas alias editiones postea factas, notatis simul nonnullis Officiis pro aliqui­bus locis paulatim susceptis, hæc Officia Dice­cesana ad nostra usque tempora pervenerunt. Altera scilicet editio auctoritate et jussu Guilelmi Antonii de Asseburg Episcopi prodiit( Pader­