372

Benedictio Coronae.

Oremus.

Omnipotens et misericors Deus, qui propter nimiam charitatem, qua dilexisti nos, Filium tuum unigenitum Dominum no­strum Jesum Christum pro redemptione nostra de coelis ad terram descendere, ac de beatissimae Virginis Mariae utero An­gelo nuntiante carnem suscipere, et crucis tormentum subire voluisti: obsecramus im­mensam clementiam tuam, ut hanc Coronam in memoriam septem dolorum ejusdem Ge­nitricis Filii tui ab Ecclesia tua fideli dica­tam benedicas, sanctifices, et ei tantam Spiritus sancti virtutem infundas, ut, qui­cunque eam recitaverit, ac secum portaverit, atque in domo sua reverenter tenuerit, ab omni hoste visibili, et invisibili semper, et ubique in hoc saeculo liberetur, et in exitu suo a beatissima Virgine Maria tibi bonis operibus coronatus praesentari mereatur, per eundem Christum Dominum nostrum. Amen.