e Die K. Predigt vber den gewoͤhnlichen Geſang / ſeine Werckzeug / die falſche Lehrer/ von der Einfait ſeines Glaubens bald verruͤcket werden.
Es gibt ſelsame geſchwinde Enderungen in der Welt vnter den Herrſchafften / in Religions vnd Glaubens Sachen: Heut hat man an manchem Brt einen Herren im Landt / welcher den rechten Glauben handthabet: Morgen koͤmpt ein anderer/ welcher im Landt Abgötterey oder andere falſche Secten vnnd Irrthumb aurichtet: Ja ein eintziger Regent / welcher heut recht glaͤubet / kan durch GOttes Verhaͤngnuß vber Nacht ſo jrr werden / was er heut fur den rechten Glauben haͤlt / daß er ſolches biß morgen ſelbſt widerruͤfft vnnd vmbſtoſt. Da bleibt es dañ nicht dabey / daß der Regent vom rechten Glauben abgefallen / ſondern es werden zu gleichem Abfall verſucht vnnd gedrungen auch die arme Vnterthanen.
Darvmb thuts wol Noht / daß wir hertzlich ſingen vnnd bitten Goit den heyligen Geiſt / vmb den rechten Glauben allermeiſt. Dann gleich wie es nicht ſteht in deß Menſchen eygenen naturlichen Kräfften daß wir Gottes Wort Anfangs mit Glauben faſſen vnd ergreiffenmo⸗ gen: Alſoſtehet es auch nicht in vnſern eygenen naturlichen Krafftenſ in dem rechten Glauben biß an das Endt zu beharren / ſondern es iſt beydes ein Werck einig vnnd allein G Ottes deß heyligen Geiſtes / als deß wehrten Liechts/ (wie der ander Verſicul lautet )welches durch ſei⸗ nen Schein beydes vns erleuchten kan / vnd bey dem Liecht deß heyligen Euangelij erhalten. —
Was ift dann ſo hoch gelegen am rechten Glauben / daß wir eben allermeiſt vnd fuͤrnemlich Gott darvmb bitten ſollen? Antwort: Auff daß(wie wir weiter ſingen ) er vns behuůͤte an vnſerm Ende / wann wir heimfahrn auß dieſem Elende.
Es nimpt einmal mit vns allen ein Endt hie auff Erden: Merckets wol liebe Chriſten: Es laufft mit vns allẽ an ein Ende hie in dieſer Wellt · Wir ſeyndt nicht daheim hie auff Erden / ſondern nur Bilger vnnd
Frembdling / vnnd auſſer dem Vatterlandt / nur im Elendt. Das him̃⸗ liſch Leben aber iſt vns von Chriſto ʒubereitet zum Vatterlandt /⁊. Co⸗ rinth. ʒ. Philiy. z. Wie wir hernacher hoͤren werden. Dahin muſſen
wir