Am Tag der Himmelfahrt Chriſti. 59
ſern Haͤnden den euſſerlichen Hĩel erlangen moͤgen. Sintemal Chri⸗ ſtus / neben dem / daß er ware der ewige Sohn Gottes / iſt / nach ſeinem Fleiſch/ empfangẽ worden võ.H. Geiſt / vnd alſo abgeſondertallerdings von den Suͤndern / heylig vnd vnbefleckt / Heb.y. v. 26. Darvmb koñte er ſeinem Vatter vollkommenlich gehorſam ſeyn / vnnd alſo dardurch verdienen das Him̃elreich. Wir aber ſeynd(leyder) Fleiſch vomFleiſch Joh.3. v.. Vñ da wir nach vnſerer Widergeburt bey vns ſchon befin⸗ den das Wollen/ koͤñen wir doch bey vns nit finden das Vollbringen / (Rom..v. 18.ſondern fuͤhlen vielmehr (v. 23.) ein ander Geſetz in vnſern Gliedern / das dawiderſtrebet dem Geſetz in vnſerm Gemuͤht / vnd nimpt vns gefangen in der Suͤnden Geſetz. Demnach vns vnmug⸗ lich iſt / daß wir in dieſem Leben wandeln moͤgẽ in ſolcher Vollkommen⸗ heit / wie Chriſtus gewandelt hat / vnd demnach auch vnmuglich / Chri⸗ ſto nachzufolgen / durch vnſere Werck ins Himmelreich. Haben alſo die Papiſten hiemit die arme Leut bereden woͤllen / daß ſie ſich vntorſtehn ſollen zu fliehen gen Himmel / doch ohne Feddern.
Ja wann man die gute Werck / ſo wir vollbringen (nach dem wir nun widergeborn ſeyndt) auß Trieb deß heyligen Geiſts / hie auff Er⸗ den / ſo hoch wil anbringen / daß wir vns vnterſtehen ſolten / durch Ver⸗ dienſt derſelbigen / zu fahren in das Himmelreich / ſo mag manwolzuſe⸗ hen daß vns darneben nicht ergehe / wie jenem / mit Namen Dedalo / vonwelchem man lieſet / daß er jhm ſelbſt habe auß Wachs Fluͤgel zuge⸗ e ſo kuͤnſtlich / daß er ſchon angefangen / ſich damit zu erſchwingen ei die Hoͤhe: Als er aber der Sonnen zu nahe geflogen / ſeyen jhm ſei⸗ ne Fluͤgelfuͤr der Sonnen Hitz zuſchmoltzen / vnd er hervnter geſtuͤrtzt in den Abgrundt deß tieffen Meers: Alſo / da wir vns wolten mit den Pa⸗ piſten vnterſtehen / durch Verdienſt vnſers angefangenen / vnvollkom⸗ menen Gehorſams / Chriſto nach zu flichen ins Himmelreich / wann wir damit erſcheinen wuͤrden fur dem Angeſicht Gottes / wuͤrden fuͤr dem Fewer der geſtrengen Gerechtigkeit Gottes / als baldt zuſchmeltzen vnd zu Waſſer werden alle vnſere gute Werck / von wegen jrer Vnvollkom⸗ menheit / wir aber darvmb / daß wir mit ſolcher vnſerer eygenen Ge⸗ rechtigkeit welche doch iſt fuͤr Gott / wie ein
vns