Auß dem 6 Capitel deß 4. Buchs Moſis. 6 auch dir das jenige / ſo dir / auß Verhaͤngnuß deß HErrn / der Teuffel etwan verwuͤſtet / doppelt widervmb bezahlen / ſegenen vnd behuͤten: biß daß er vns ſaͤmptlich dermalen eins auß dieſem Leben verandern / vnd ſegnenvollkommenlich mit allen him̃liſchen Guͤtern / vñ behuͤten wirt / vor allem Vbel / beſtaͤndiglich / im ewigen Leben: Darzu verhelffe vns allen Gott Vatter / Sohn vnd heyliger Geiſt / Amen.

Die ander Predigt / vber den 2. Verſicul: Der HE erleuchte ſein Angeſicht vber euch / vnd ſey euch gnaͤdig.

Ir haben auch dieſen Text verleſen am Sontag der H. Dreyfaltigkeit / vñ damalen ſo viel darauß gelernet / die⸗ weil nur ein HERR / vnd aber in der Schrifft HER ehuuab)ſo viel heiſt / als Gott / daß alſo folgendts auch nur ein Gott ſey. Weiter nach dem wir gehoͤrt / daß das heylige Göttliche Weſen drey vnterſchiedene Perſonen / haben wir erwieſen / daß der erſte Verſicul deß verleſenen Segens vns zu erkennen gebe vnterſchiedlich / die erſte Perſon deß heyligen Goͤttlichen Weſens / nemlich / Gott den Vatter: Vnd haben damalen ſolches daher geſchloſſen / dieweil der erſte Verſicul außtrucklich redet von einem ſolchen HxRM / welcher die Geſchoͤpff ſegnet vnd behuͤtet / welches / ſo wol als die Schoͤpffung / in heyliger Schrifft / fuͤrnemlich zugeſchrieben wirdt der erſten Perſon deß heyligen Goͤttlichen Weſens / nemlich / Gott dem Vatter.

Nun woͤllen wir greiffen zu dem andern Verſicul / vñ nachforſchen / Erſtlich / wie ſolcher Verſicul vns andeute vnterſchiedlich die ander Perſon deß heyligen Gottlichen Weſens / nemlich / den Sohn Gottes: vnd was der Sohn Gottes auch vnterſchiedlich in ſolchem Verſicul / fur einen beſonderen Segen mit ſich bringe. Zum andern(vnſerer in der erſten Predigt fuͤrgeſchlagenen Ordnung nach) wo vnd wann ſolcher Goͤttlicher Segen deß Sohns Gottes vns ſonderlich fuͤrgetragen vnd angebotten werde. Zum drittẽ / vñ kurtzlich / wie wir ſolches Segens deß Sohns Gottes fraͤfftiglich theilhafftig werden. Der HæRgebe ſein Gnad dazu Amen. Es