Cbronographus Saxo. 27

Annus Dni. XCVIII. Domitiani XVI.

Domitianus omnibus odioſus, inſidiis ſuorum in palatio inter- ficitur& cum ignominia detractus turpiter ſepelitur anno ætatis ſuæ XXXV.

Annus Dni. 1C. Nervæ I.

Nerva oppido Narnienſi genitus mediæ nobilitatis, X ab Au- guſto ſuſcepit Imperium& regnavit anno I menſes IV dies IIX. Hic in privata vita moderatus& ſtrenuus, in Imperio civiliſſimum ſe& æquiſſimum præbuit. Hic decreto Senatus irritum fieri juſſit, quic- quid Domitianus decreverat,& edicto ſuo omnes exules revocavit. Unde& Johannes Epheſum rediens invenit Eccleſiam hæreſibus tur- batam, quapropter rogatu fratrum Evangelium ſcribens fidem rectam confirmavit. Nerva quidem adoptato in filium regnumque Trajano morbo confectus obiit. Imperii verò menſe anni ſecundi, ætatis an- no LXXII. Annus Dni. c. Trajani I.

Ulpius Trajanus Crinitus XI ab Auguſto apud Agrippinam Galliæ nobilem civitatem Imperator efficitur& regnavit annis XIX menſes VIdies XV. Hic ex urbe Tudertina genitus, genere Hiſpanus, ex familia antiqua magis quam clara, rempublicam ita adminiſtravit, ut omni- bus merito principibus præponeretur. Duo quippe ſunt, quæ ab egregiis Principibus expetuntur, ſanctitas domi, fortitudo in prælio, prudentia utrobique. Talis autem in his fuerat Trajanus, ut quaſi temperamentum virtutes miſcuiſſe crederetur. Laboris patiens, multa imperio adjiciebat, multa beneficia quibusque per totum or- bem præſtabat. Siquidem dum culparetur, quod nimius eſſet erga omnes, ait: Imperatorem talem eſſe debere erga cæteros, qualem Imperatorem ipſe erga ſe optaret privatus. Hujus imperiumi creditur divinitus datum in remedium perditi& proſtrati fenatus. Hujus memoriæ tantum delatum eſt, ut uſg, ad noſtram ætatem à Senatu Principibus acclamaretur: Felicior Auguſto, melior Trajano. Jo- hannes Apoſtolus in pace quievit Epheſi.

* Annus