XII.
238 Gießiſcher Leichpredigten fimus cũ res viliſſima ſimus, unde ſuperbimus neſcimꝰ quã: do perimus, ach wz erhebt ſich doch die arme erde vnd Aſchen/ iſt es doch ein lauter Koht/ Syr. 10. Jetzunder/ geliebte im HErꝛn/ ligen da vor vnſern Augen etliche Todtengeraͤffel/ die thun anders nit/ als wann ſie mich vnd euch anredeten: Quod tu es, ego fui, quod ego ſum,. tu erxis, wz du biſt/ das bin ich geweſen/ wz ich bin/ das wir⸗ ſtu werden. Vnd hie hat Gott gevrtheilet recht/ wer iſt jetzunder. Herꝛ oder Knecht: Warlich ja/ wer dieſes Spectacelrecht anſchawet/ der muß ſeinen ſtoltze Muht fallen laſſen/ es were dañ Sach/ dz er Gott vnd ſeinẽ wahrẽ Wort gar abgeſaget habe. V. Dienet die Betrach⸗ tung deß ſterbens ad non differendã pœnitentiã, daß man die Buß nit von Tag zu Tag auffſchiebe/ ſondern ſich zu Gott be⸗ kehre/ dieweil man noch im Leben iſt. Dann in dem Todt gedencket man Gottes nit/ Pſ. s. Mortui non laudabunt te Domine, die Todten werdẽ dir O HErr dein Lob verkuͤnden nimmermehr/ Pſ. 115. Non quærit Deus dilationem in voce corvina, ſed con- feſſionem in gemitu columbino, Gott wil kein auffſchub haben in d Rabẽſtim/ Cras, Cras, ſondern daß man ſeine Suͤnde beichte/ vnd daruͤber kirꝛe wie ein Taube/ ſpricht Auguſtinus vber den 102. Pſalm. Obſerva ultimum Cras, quia ignoras quod ſit ultimũ Cras: ſufficit quod vixiſti uſque ad hodiernũ peccator, habe acht auff das letzte Cras, deñ du weiſt nicht was es vor ein Cras ſein wird. Ach du armer Suͤnder/ es iſt gnug daß du den heutigen Tag erlebet haſt/ ſchreibet abermals Auguſtinus an beſagtẽ Ort. Guts muͤſſen wir thun/ weil wir die Zeit haben/ Galat. 6. bey Leibes leben/ 2. Cor.. im Liecht wandeln/ weil wir es haben/ Joh. 12. Den HErꝛẽ ſuchen/ weil er noch zu finden iſt/ Eſa. 55. Vñs ermahnen dieweiles noch Heut heiſſet/ Hebr.3z. Võ Schlaff auffſtehẽ/ dieweil die Stũ⸗ de da iſt/ Roman. 13. Dem Hern ſingen/ ſo lang wir hie ſein/ Pſal. 104. Qui non ſuſcipit modò tempus pœnitentiæ, poſt mor- tem non invenit locũ indulgentiæ: Wer jetzunder nicht Buſſe thut vber ſeine Suͤnde/ dem koͤnẽ ſie nach dem Todt nicht verziehẽ werden.