.' ——è
im hochloͤblichen Weſtphaͤliſchen Craͤiß.
Saltzkot en/ ein ſtarcke Meil Wegs/ oder mehrers von Paderborn/ und in ſelbigem Stifft gelegen/ ein Staͤttlein/ welches Anno 1633. in De⸗ cembri/ der von Kniphauſen/ ſampt den Heſſiſchen/ mit Sturm erobert, und allda ubel gehauſet/ iſt auch das Staͤttlein/ biß auff wenig Haͤuſer/ und die Saltzhuͤtten/ abgebrandt worden. Siehe den dritten Theil des Theatri Europæi. Die Tafeln nennens Saltzkott.
Schawenburg/ it der Haupt Ort in der Graffſchafft dieſes Namens/ nicht gar fern von der Weſer gelegen; welches anſehenliches wol erbau⸗ tes Berg⸗Schloß/ ſo Biſchofflich Mindiſch Lehen/ der letzte Graff Otto von Schawenburg/ ſo Anno 1640. geſtorben/ ſeiner Frauen Mutter, Frauen Eliſabethen/ Graͤffin von Schawenburg/ Witti⸗ ben/ geborner Graͤffin/ und edler Frauen von der Lippe/ zum Witwenthumb⸗Sitz/ und auß dem Arnpt daſelbſt 4000. Reichsthlr. bey ihren Lebens zu ten Jährlichs zu npfahen/ und zugenieſſen/ ver⸗ ordnet/ und Anno 1637. den 18. Januarii von dem Thumb Capitel zu Minden darein conſentiert wor⸗ den. Adolph von Salingleven/ hat dieſes Schloß Schawenburg auff dem Neſſelberg/ an dem Sun⸗ tal(ſo ſich an der Weſer/ bey dem Hauß Berge an⸗ fahet/ und nach Oſten/ biß gen Naſſinghauſen er⸗ ſtrecket) auß einem Ziegenſtall erbauet/ darauff ihn hernach Kaiſer Conrad der Ander/ Anno 1030. au dem Reichstag zu Minden/ zu einem Graffen ſoll gemacht haben. Daher auff dieſem Schloß Schaw⸗ enburg/ wie Cyr. Spangenberg in der Schawen⸗ burgiſchen Chronic bezeuget/ an einem alten hohen Thurn/ dieſe Schrifft noch anjetzo zu finden:
Annis nongentis„centenis ter quoque denis Poſt Chriſtum natum Schaumburg tenet ini- tiatum. Folgends/ ſonderlich zu den letztern Zeiten/ iſt ſol⸗ ches Stammhauß/ gewaltig erhoben und gezieret worden.
Siburg/ bey dem Waſſer Sieg/ gegen Bonn uͤber/ im Hertzogthumb Bergen/ da oberhalb das Waſſer Bruil/ und ein wenig unterhalb die A⸗ cker in die Sieg kommet. Daher dieſer Ort gar wol gelegen. Iſtein Stattlein/ und anſehenliche Ab⸗ tey: Allda auff S. Michaelsberg der heilige Prie⸗ ſter Winibaldus, ein leiblicher Bruder des heiligen Xilibaldi, Biſchoff zu Aichſtatt/ verehret wird; und ſind die fuͤrnehmbſt Reliquien von ihme/ wie auch von§. Benigno, allhie zu Siburg verwahret. Mitten in der Statt Coͤlln hat dieſes fuͤrnehme Kloſter(deſſen Abt/ und auch Herr in dem Weltli⸗ chen noch Anno 164 5. Bertram von Bellinghauſen geweſen) 2. Hoͤffe/ deren der groͤſſere deß Abts/ der kleinere aber deß Capituls/ darzwiſchen S. Egidũ Capell ſtehet.
Anno 1642. im Herbſt/ iſt dieſer veſte Ort vom Schwediſchen General Baudiſſin unverſehens uͤ⸗ berfallen/ und erobert worden. Anno 1634. den z.
91 Decembris/ war in dem, zwiſchen der Cron Schwe⸗ den und Confoͤderirten Staͤnde/ an einem/ und Pfaltzgraff Wolffgang Wilhelmen/ ꝛc. am andern Theil/ zu Wormbs auffgerichtem Verſchonungs⸗ Vergleich/ verſehen/ daß alles Schwediſch Volck vom Kloſter und Staͤttlein Siburg: Item/ auß den Staͤtten/ und Schloͤſſern Blanckenberg/ und Windeck/ ſo dann von der Kettwicher Bruͤck/ und dem Hauß Landſperg/ wie nicht weniger auß der Statt Dortmund/ Ruhrort/ und andern/ abgefuͤh⸗ ret werden ſolte. Es ſeyn aber erſt im Octobri Anno 3 5. Landſperg/ Siburg/ Blanckenberg/ und Windeck/ von den Schivediſchen Beſatzungen/ den Neuburgiſchen/ mit Accord ubergeben worden. Man rechnet von Siburg drey Meilen nach Coͤlln. In dem vierdten Theil des Theatri Europæi ſtehet am 234. Blat/ folgendes: Der Kaiſerliche Obriſte Meuter wurde in dem Majo/ Anno 1640. den Pfaltzgraͤfiſchen Neuburgiſchen in Siburg zuwi⸗ der/ und lieſſe etliche Soldaten Heu und Stro da⸗ hin tragen/ dardurch er/ vermittelſt gedachten Hin⸗ derhalts/ in das Staͤttlein und Schloß kommen/ der Neuburgiſchen etliche nidermachen laſſen/ und ſeine Quartier rerbeſſert.
An der Roer/ oder Weſtphaͤliſchen Ruhr/ ligt ein Sigburg, zwiſchen Menden/ und Hattingen/ in der Graffſchafft Marck. Darvon wir aber kei⸗
ff nen Bericht geben koͤnnen. Auff dem Reichstag
zu Regenſpurg in Anno 1641. iſt perſoͤnlich erſchie⸗ nen/ Herr Bertram/ Abt und Herr zu Sigberg/ Stralen/ Hulß/ und Ewenheim: Den wir ſonſten weder in der Reichs⸗Matricul/ noch in dem Weſt⸗ phaͤliſchen Craiß⸗Regiſter finden koͤnnen; und uns daher auch allhie ein mehrer Bericht vonnoͤthen iſt: Ob ſolches Sigberg von dem in Weſtphalen/ oder einem andern zuverſtehen ſeye?
Sinei/ wie dieſer Ort vom Ludovico Guic- ciardino, und andern/ auch in den Raͤiß⸗Verzeich⸗ nuͤſſen/ genant; aber in den Landtafeln Chiaey, und Chyne)y geſchrieben wird. Ligt an deß Hertzog⸗ thums Luͤtzenburg/ und der Graffſchafft Namur/ oder Namen/ Graͤntzen/ acht Meilen von Luͤttich; dahin man kompt/ wan man von Luͤtzenburg/ Ar⸗ lun, Baſtonac oder Baſtoigne, und ferners entwe⸗ der durch la Kocche, oder aber Marche, ſo auch Marza genant wird/ und noch Luneburgiſch iſt/ nach Namur raͤiſet. Es iſt beſagtes Sinei/ odet Chiney, zwar ein kleine/ aber uhralte Luttichiſche Statt und gehoͤret dahero zu dem Weſtphaͤliſchen Craͤiß.
Solingen/ an der Wipper/ im Hertzog⸗ thumb Bergen/ da gute Wehrklingen gemacht werden. Anno 1633. haben dee Heſſiſchen dieſe Statt eingenommen. Anno 1642. als viel Volcks der Enden lage/ wurde Statt/ und Ampt Solin⸗ gen rein außffepluͤndert; wie im vierdten Theil deß Theatri Europæi, am 972. Blat/ davon der Kaiſeriſch⸗und Bayriſchen Ubel hauſen/ gehandelt wird/ ſtehet.
Sons⸗