20

Uxore, quæ pagum Rebdorffenſem Epi-

ſcopo ad hujus Cœnobii conſtructionem donavit. So ligt auch in dieſem Stifft das Cloſter Stilla/und darinn die H. Stillavon welcher der obgedachte Radcrus Vol. a. Bav. Sandt. alſo ſchreibet: B. Stilla, Virgo Schirenfis familiæ Comitum ex Babone, aut Comitum fortaſſe à Stilla, in Auſtria ſub Annum circiter 1140. mortua, ja- cet in Monaſterio ſui nominis in Epiſco- patu Eyſtadienſi. Vide Gretſerum in San- ctis Eyſtadienſibus. Von den Herrn Bi⸗ ſchoͤffen zu Eichſtatt iſt droben ein mehrers gemeldet worden/ unter denen der achtzeheu⸗ de in der Ordnung Gundecharus II. geweſen/ ſo Anno 1075. geſtorben; und deſſen Leben gemeldter Raderus, Vol. 2. Bavariæ Sanctæ beſchrieben hat. Der ſechzigſte/ und noch der Zeit regierende/ iſt Herr Marquardus, auß dem ſehr alten/ und Adelichem Ge⸗ ſchlecht der Herren Schencken von Caſtell. Esiſt dieſes Stiffts Monatlicher einfacher Reichs⸗Anſchlag/ 20. zu Roß/ und 132. zu Fuß/ oder 768. fl. und/ zu Unterhaltung deß Cammer⸗Gerichts zu Speyer/ Jaͤhrlich ordinarié 120. und cum augmento 200.

Guͤlden.

Altenberg.

En Meilwegs von Nuͤrnberg gelegen/

ſo die Burggraffen Anno 1306. Umb 1402. Pfund Heller erkaufft haben ſollen: wie in einer geſchriebenen Verzeichniß ſtehet. Iſt jetzt Marckgraͤfflich⸗ Ohnſpachiſch/ und erwan eine Veſte geweſen/ jetzt noch ein Burgſtell,, darinn ſich Anno 1632. die Kaͤyſerlichen wider dem Koͤnig in Schwe⸗ den gewaltig verſchantzt haben: wie drun⸗ ten bey Nurnberg zu finden. Es ſoll ſolches Burgſtell ein zugehoͤriges Ampt und Pfarr/ oder gar ein Dechaney haben.

Altenſtein.

In Dorff ein Meilwegs vom Wuͤrtz⸗ E burgiſchen Staͤdtlein Ebern gelegen/ allda es eine Kaͤyſerliche Freyheit fuͤr miß⸗ thaͤtige Perſonen hat.

Altorff.

Jeße kleine Stadt ſoll ſo viel als ein altes 2 Dorff heiſſen dahin auch noch der Zeit viel Bauren gepfarret ſeyn/ und die Marg⸗ graͤffliche Buͤrgthaͤnniſche(ſo eines unter den vier Haupt⸗Aemptern im Burggraff⸗

Beſchreibung

thumb Nuͤrnberg/ und welches Schloß Burgthann/ ein halbe Meil ungefehrlich von Altorff gelegen/ an die Burggraffen/ von einem Edelmann/ der Thanner genannt/ kommen/ und vorzeiten ein Pfaͤltziſch nach Altorff gehoͤrigs Lehen geweſt iſt) Untertha⸗ nen/ ihr Pfarrecht/ und Kirchhof/ oder Be⸗ gräbnuß/ allhie haben. Es iſt Altorff vor dieſem/ wie allbereit angedeutet/ ein Fuͤrſtlich Ober⸗Tfaͤltziſch Ampt geweſen/ darzu die beyde Doͤrffer/ Bettenhofen/ und Schwar⸗ tzenbach gehoͤrig. Anno 1504. in dem Bayer⸗ Pfaltziſchen Krieg/ haben die von Nuͤrnberg/ dem Pfaltz⸗Graven/ die Staͤdte Altorff/ Lauffen/ und Herßbrug/eingenomnien: und Anno 1521. hernacheinen Vertrag/ mit bey⸗ den Herrn Brudern/ Pfaltz⸗Graff Ludwi⸗ gen Churfuͤrſten/undPfaltz⸗ Graff Friederi⸗ chen/ geſchloſſen: wie in einer geſchriebenen Verzeichnuß/ und dabey auch dieſes ſtehet/ daß etliche vermeynen/ weiln beſagter Pfaltz⸗ Graff Friederich/ damals zu Nuͤrnberg/ an Geld gantz entbloͤſt/ er ſolchen Vertrag/ daß der Stadt Nuͤrnberg die eingenomene Oerter zu ewigen Tagen verbleiben ſolten/ bey ſeie nem Herrn Brudern befoͤrdert haͤtte. Fol⸗ gends/ haben die Herren von Nuͤrnberg An. 1575. ein vornehme Schul/ oder Gymna- lium, allhie angerichtet/ deren erſter Rector Valentinus Etythræus geweſen: Darauß Anno 1578. auff Zulaß⸗und Befreyung Kaͤyſers Rudolphi II. ein Academia, und endlich Anno 1622. aus ſonderbarer Kaͤyſer⸗ lichen Gnad/ Kaͤyſers Ferdinandi II. ein Univerſitaͤt worden/ alſo/ daß heutigs Tags in allen Facultaͤten(auſſer der Theologia) Doctores, Licentiati, Magiſtri, Baccalau- rei, und Poëtæ, gemacht werden: und ward ſolche Univerſitaͤt den 29. Junii Anno 1623. mit groſſer Solennitaͤt allda eingefuͤhrt: wie hiervon der Actus Publicationis Privile- giorum Doctoralium,&c. allhie/ Anno z24. um Oruck außgangen/ weitlaͤufftig zu leſen: und darinn auch die Privilegia von Hoͤchſt⸗ gedachten beyden Kaͤyſern ertheilet/ zu finden ſeyn. Es haben bey dieſer hohen Schul, ne⸗ ben andern/ gelehret/ Edo Hildericus de Varel, Chriſtianus Matthias, Georgius Koͤnig/ Johann Hartmann der H. Schrifft Doctores: Hugo Donellus, Obertus Cy- phanius, Petrus Weſembecius, Scipio Gentilis, Conradus Rittershufius, Mat- thias Hubnerus, Andreas Dinnerus, ÆEgi- dius Agricola, Eraſmus Vngepaur, jo- hann-Gerhardus Frauenburgus, Wilhel- mus Ludvvel, Nicolaus Kittershuſius,

in