88) 7(28 zehenden nit/ 2. iſt es eine kurtze Lebens⸗Friſtung/ und helſt dißfalls: Ci⸗ tius aut ſerius metam properamus ad unama dan von Gott heiſt es/ mille anni ante oculos tuos ficut dies heſterna quæ præterilt, Pf. LXAXXIX. v. O wie wohl waͤre es offtermahl geſchehen/ wan man⸗ cher zum Toot bereiter Menſch die Schuld ſeiner Natur in dieſem oder je⸗ nem Zuſtand alſobald abgezahlet/ und nit wiederumd in die gefaͤhruche Lebens⸗Zeit zuruͤck gegangen waͤre. 3. Pauci cx infirmitate melio- rantun ſpricht der fromme Ihomas de Kempis Lib. l. Cap. III.
Viel ihrer offtermahls erkrancken Wenig treffen beſſere Schrancken.
Damit wir aber dermahleins à theſi ad hypotheſin kommen/ und eigendlich vernehmen moͤgen/ wie fleiſſig unſer biß dahero geweſener/ nunmehr in Gott abgelebter ſeeligſter Churfuͤrſt dieſes VIGlLA practi- ciret/ und nach zuruͤck gelegter erſten Wacht ſeines unmuͤndlichen Al⸗ ters/ in welchem er gleichwol ſchon herrliche Zeichen ſeines kuͤnfftigen wachtſamen Verſtands von ſich blicken laſſen/ in dem er ſich ſchon da⸗ mahls ſtill/ ſittſamb und ernſthafft erzeiget: ſo iſt uns dieſer Orten/ woſelbſten er von Kindes Beinen auff oͤffters ſich eingefunden/ und jeder⸗ zeit loͤblich converſirt, gnugſam bekandt/ wie er in dieſer ſeiner zweyten Wacht dieſem Befelch Chriſti eiferig zu beobachten ihme alles Ernſtes habe angelegen ſeyn laſſen. Wie fleiſſig hat er ſeiner Seel gewachet/ von der Zeit an/ da er im Jahr 1634. auff allhieſiges Dohm⸗Stifft auffge⸗ ſchworen worden/ ein Hert ungefehr von 14. Jahren/ davon werden ſeine Præceptores den beſten Bericht ertheilen koͤnnen. Wie eingezogen er ſich auff ſeinen Reiſen gehalten/ davon kan Zeugnuß geben ſein da⸗ mahls geweſener Hoffmeiſter. Nachdem er aber zu der Capitular- Stell zugelaſſen/ und beym Paͤbſtlichen Stuhl wegen ſeiner bekandten Tugenden die Probſtey zu St Alban uͤberkommen/ da iſt das VIGILA in omnibus labora allererſt recht angangen. Wie embſig und fleiſſig er taͤglich ſeine Horas Canonicas gebetten/ wie unverdroſ⸗ ſen er dem Chor⸗Gang beygewohnet/ wie embſig er die Sonn⸗ und Feyertags Predigten beſuchet/ davon kan ich das beſte Zeugnuß geben. zu geſchweigen/ wie ernſthafftig er die Gerechtſame ſeiner anvertrau⸗ ten Kirchen gegen allen unbilligen Eingriff behauptet. Bey ihm hieſſe es VIGILANTIBUS JURA. Nachdeme es aber dem Allguͤtigen Gott beliebet/ dieſes anſehnliche Liecht auff den hohen Leuchter deß Mayntzi⸗ ſchen Stuhls und Chur⸗Fuͤrſtlichen Thron zuverſetzen/ da hat di ſer Hochwuͤrdigſte Ertz⸗Biſchoff und Prælat ihme jene ernſtliche Ermahnung deß H. Pauli dergeſtalt zu Hertzen ſteigen laſſen: Tu vero Vigila in omnibus labora, II. Timoth. Cap. 1 V. V. 5. daß er von nfang ſeiner Regierung biß an den letzten Athem ſeines Lebens kaum emmahl hat erſchnauffen koͤnnen. 3 34
3