—

Auß irer ʒunfft auch etlich man die auch hetten gefangen an Von diſer nuwerung klagen. wolt in ain rat nit vertragen Dar durch erwachſen iſt der dantz das die gmaind was erzürnet gantz Das die auffruͤr ward angfangen da ſind ʒů Koln ym harnaſch gangen it woͤrhaffter hant auff dem plan wol ob den viertzehen tauſent man Vnd mag nit minder werden gſwatzt auch ðer ſtat poꝛten wol beſatzt Vnd auch aim yetlichen ſein hauß da man die hat gefangen auß Den man die koͤpff hat ab gſchlagen auch all gaffell thůn ich ſagen . Oder ʒunfft ſtuben wie mans nent die warent all beſetzet phend Vnd alle rick wurden beſtalt

lůg iſt das nit ain groſſer gwalt Wann es were dar ʒů komen d as man ſy het ein genomen So het mans doch all erſchlagen da het ſich ghebt groſſes klagen Man het niemans gethon ſchonen gent ioch gaiſtlich perſonen

In kloͤſtern wa ſie wern gweſen da het niemant mügen gneſen