8921(08
alles vnd jedes sampt vnd sonderlich frewen/ gebrauchen vnd genief⸗ sen sollen vnd moͤgen/ doch denen andern Ehelichen naturlichen Er⸗ ben/ in ab⸗vnd auffsteigender Linien/ derselben Geschlechte/ an jhren gebuͤrenden Erbschafsten vnd legitima vnvergriffen vnd vnschaͤdlich.
Gleichergestalt geben wir auch obbenanntem/ jedesmahls weesendem Decane Faeultatis Juridicæ bey der Vniversitaͤt Mar⸗ purgk noch ferner Vnnsere vollkommene Macht vnd Gwalt/ Vor⸗ muͤndere/ Curatores, Voͤgte vnd Pflegere/ so von andern gegeben vnd gesetzt worden/ zu consirmiren/ auch selbst zu setzen vnd zu ver⸗ ordnen/ vnd wiederumb aus redlichen/ recht messigen Ursachen zu ent⸗ setzen/ auch Soͤhne vnd Toͤchter zu adoptiren vnd zu arrogieren/ vnd solche adoptirte vnd arrogierte/ auch andere Ehelich vnd vnehelich geborne vnd legitimirte Persohnen zu emancipiren/ vnd Sie vaͤtter⸗ lichen Gewalts; deßgleichen leibaigene Leuthe vnd Knechte ihrer Leibaigenschafft vnd Dienstbarkeit zu erlassen vnd zu erledigen/ mit den Muͤnderjaͤhrigen vnd Vnvogtbaren ihres vnvollkommenen Al⸗ ters vnd Maͤnglhalber zu dispensiren/ Decret vnd Authoritaͤt zu in⸗ terponieren. 18„
Weiter die berleumbdte vnd infamirte Persohnen ram juris, qum facti zu restituiren/ Sie auch wiederumb nach auffgehebter Schmach/ die jhnen zugefuegt werden moͤchte/ zu übung aller Hand⸗ lunge/ inner vnd ausser Gerichts vehig/ tauglich vnd geschickt ma⸗ chen/ alles nach Ordnung Vunserer Kayserl. geschriebenen Rech⸗ ten/ vnd des Heil. Roͤm. Reichs Satzungen vnd Herkommen.
Serner geben Wir auch gedachtem Decano FPacultatis Juridicæ in der Vniversitaͤt Marpurgk/ der es jederzeit seyn wuͤrdt/ noch fer⸗ serner Vnnser vollkommene Macht vnd Gwalt/ daß er Poẽtas Lau- reatos, nach befundener Qualification vnd darzu gehoͤriger Geschick⸗ lichkeit/ creiren/ machen vnd denselben Lauream concediren koͤnne/ solle vnd moͤge. 4
Deßgleichen thuen vnd geben Wir auch offternanntem De⸗ cano Facultatis disse besonndere Gnadt vnd Freyheit/ daß er Ehrli⸗ chen redlichen Leuthen/ die Er dessen wuͤrdig erachten wuͤrde(welches Wir dann seinem Gefallen vnd Beschaidenheit haimgestellet haben wollen) einem jeden nach seinem Standt vnd Weesen/ Zaichen/ Wappen ond Clainoth/ mit Schilt und Helm geben vnd verleihen/ dieselbe Wappen vnd Lehensgenoß 9 8 schoͤpffen vnd erheben
3
solle/