vicum Petronell intra Vindobonam et Posonium ad Danubium situm contendunt; unde ad Vistulae ostia nunc fere centum milliaria Germanica conſiciuntur, quae Plinius itineris ambagibus adnumeratis centum et viginti recte dixit. Iter ipsum magnam partem Vistulam sequi poterat, et si conjecturis etiam et opinionum commentis in historia uti licet, hanc fere habuit viam. Ab ostiis Vistulae flumine adverso pervenitur Ascaucalin prope Bromberg urbem, ubi Vistula arcum in orientem commissum claudit, inde Vistula relicta pervenitur Setidavam(Cydovo prope Gnesen) et Calisiam(Kalisch). Calisiae duplex via aperitur, altera orien- talis altera occidentalis. IIla ducit Arsenium(Marsenin), Carrhodunum(vel Czarno- vice vel Cracovia), Asancam(Alt Sandek), Setuiam(Cyche), Pariennam(Warin), Arsicuam(Maricova), Singonen(Schintau vel Trentschin), Celemantiam(vel Comorn, vel Szemolyan), Carnuntum. Altera via Calisia pergit Massiliam (Massel), ubi iterum in duplicem regionem flectitur, prior nempe per Budorgin (Brieg) et Eburum(Owar, Ratibor, Berun?) Arsicuam tendit, secunda ad oc- cidentem versa percurrit Stragonam(Striegau), Strevintam(Neisse, Schatzlar, Trebitsch), Meliodunum(Troppau, Miletin, Moletein), Phileciam(Olmütz, Policzka, Fulnek), Eburodunum(Brünn), donec assequitur Carnuntum. Ilic Pannonia electra excipit, quae 5 sordrε(Herod.) delata in Italiam superiorem mittuntur nuribus gestanda Latinis(Ovid.); et ita» hanc speciem in IIllyricum barbari intulerunt; quae cum per Pannonica commercia usu ad Transpadanos homines foret devoluta, quod ibi primum Romani viderant, ibi etiam natum putaverant.(Solin.)—