411

Ad Hrabanum Maurum.

Saecularia celebraturus pridie Nonas Februarias a. MDCCCLVI, composuit odam Dr. Christianus Ostermann, gymnasii Fuldensis præceptor.

A

Salve, Hrabane sancte, pater pie, Honore magno jam celebratus es, Sublatus ad deos sacratus, Verba sequens Domini potentis!

Decem ante sæclis redditus es Deo, Intrasti olympum, tempora laureis Sertis coronatus, per ævum Ingenua probitate florens.

Dulces Camœnæ, pandite, vos precor, Montem canorum carmine amabili, Cui laudibus probare summis In animo est Superorum amicum!

Ripas amœnas fluminis inclyti, vini feracis, personet oppidum Clarum Moguntinumque late Hymnus in ingenium Hrabani!

Duplex tibi laus contigit: edere

Illustre sidus, splendida civitas, Vitaque functum, Consecratum Excipere in gremio sacrato.

Festivus hymnus personet omnibus Fuldæ incolis hoc lætiſico die, Scholæque nostræ semper adsint Et memores animi piique!

OQuondam hic scholæ Tu traditus es puer Oblatus, illo tempore splendidæ, Leges Dei sancte secutus Gratus eras teneris ab annis!

Parens amicus Te docuit clarus Albinus ille postea litteras, Te duxit ad dulces Camœnas, Sancte puer Benedicti, o Maure!

Anno peraclo doctior insuper Fuldam redisti, auspicibus deis, Magister artibus disertus, Ipse doces, regis ipse fratres.

OQuantos honores altera patria Debet Tibi jam! Doctor es optimus, Patronus omnium magistrúm, Semper imago imitanda nobis!

Ecclesie Tu gloria, Tu decus, Patris Filique spiritus in Te erat,

Fidus minister et fidelis, Eximius probitate morum!

Noctes diesque in studiis placet Antiquitatis otia ducere, Armarium Tu nominatus, OQuem studiis coluere Musæ!

OQuid ad videndum est pretiosius, OQuid ad legendum dulcius omnibus? Sanctæ Crucis laus, quam veremur, Semper erit celebrata nobis.

Deus benigne, omnipotens Pater, Fac nos sequamur signa pedum sacra Sancti Hrabani, nos docentis Scandere ad æœthereas cathedras.

Salve, Hrabane sancte, pater pie, Honore magno Tu celebrabere, Sublatus in cœlum sacratus, Verba sequens Domini potentis!