— 24—

Deuant trestoulx les aultres es vous le senescal 25 Mais jl n'auoit o chief hiame ne camail, N'auoit c'ung auqueton de soie desendail. Hues point contre lui vistement le cheual, De son espiet le fiert au senestre costal. Canqu'il ot d'armeüres ne valent vng hestal 30 Souuin l'abatit mort, la j ost doeul mortal, Alemans s'esbahirrent, car la chose va mal, Les nos vont redoubtant qui leur rendent estal. 170 v 1 En ce jour l entrerrent en vng crueux journal Car tous j furrent mors toux les espesial. Au lés de vers Mayence dont hault sont li mural Sont tres toux retournés, on les maine o berssal. 5 Hue s'est escriés a loy de franc vassal: „Alons ent retournant, frans chevalier loial, Ainchois que seure nous jl j coeurent plus mal!“ M“* furrent arriués a che jour Alemant.[CCCXLI A la fuitte sont mis comme gens recreant, 10 Et Hulin retourna et ses barons vaillant, Es faubours de[Mayence]¹) s'allerrent ostellant. Vng bien petit jlloeucq se vont rafresquissant Et puis sont remontés et puis s'en vont fuiant. Tres tous selon le Rin se vont acheminant 15 Jusqu'a la Loheraine ne se vont arrestant; La furrent asseurs li chevaliers vaillant. „Segneurs“, se dist lors Hue,„j'ay moult le coeur joiant, Quant j'ay celui ochis ens o palaix luisant Deuant l'empereour a l'essequier jouant 20 Qui me voloit rober tonte la plus vaillant Et toute la plus belle de ce siecle viuant. Je n'ay garde de lui dorès mais en auant.“ Diray de l'empereur qui le coeur ot dollant: 0 palaix a Maience ou jl fist bel et grant 25 Les barons de Maience a jl mandé esrant Et puis va devant jaulx sa pertte regrettant, Et dist:„segneurs, barons, alés moy escoutant! Je suis roy d'Allemaigne, le pays qui est grant, Toux me doibuent seruir les petis et les grans, 30 Mais a ce coup voi je c'on me va pou prisant, Quant Raoul, mon nepueu, que je amoie tant M'est ensement mourdri en mon palaix luisant Par Hulin de Bordeaux, le cuuert soudoiant,

¹) Im Text Coulongne. Aber in so kurzer Zeit reitet man nicht von Mainz bis zu den faubours von Cöln. Vgl. vor allem f. 170 r 9 wo die chite loee nur Mainz sein kann. Der kurze Aufenthalt f. 170 v 12 weist auch auf unmittelbare Nähe von Mainz hin.