25

30

— 19—

Se donrra vng gerffault tres noblement vollant,

A celui qui ce jour jra le mieulx faisant

Et tendra table ronde VIII jours en vng tenant; Dames et demoiselles j va le roy mandant; Donnés moy le congié que le voise nonchant

A la noble duchesse qui tant a beau samblant!“ „Amis“, se dist Hulin,„vous alés bien parlant, Le congié vous en voy bonnement ottroyant,

Et sc'aurés cy endroit vng bon destrier courant.“

167 r 1 Et le hirault le print qui le coeur ot joiant,

10

15

20

30

167 v 1

5

Puis va a la contesse l'auenture comptant;

Se Hulin lui donna, celle l'en fist otant.

Et quant vit celle honneur c'on lui ala portant

Venus est a Huon se lui dist en oiant:

„Sire, contes“, dist jl,„je me vois auisant

Que vous m'aués donné beau don et pourfitant

Et se ne le desers, j'ay bien coeur de tirant

Et je le vous vorray desseruir maintenant.

Sire, la noble feste que je voy prononchant

Est faitte et ordonnee par jtel conuenant

Que se vous j venés le coeur aurés dollant.“

Et quant Hulin l'oit, le sancq lui va muant. uant Hulin entendit le hirault qui parla[CCCXXXII

0 Dont lui dist:„doulx amis et pour quoy que sera,

Or me dis cy le vray, comment la chose va.“

„Sire“, dist le hirault,„et on le vous dira:

Vng conte a en Losenne, le chité par de la,

O'est le conte Raoul ou moult d'orgoeul j a;

Conuoittiet a vo femme pour ce c'on lui compta

Que ce est la plus belle c'onques de pain menga.

Niés est a nostre roy que plus de cent ans a

Moult aime son nepueu, ne vous mentiray ja;

Or lui dist Paultre jour que vo moullier ama

Et lui ois jurer, garde ne s'en donna,

Que jamais en sa uie aultre moullier n'aura

Et pour ce che tournoy a Maience ordonna.

Et se vous j venés, destruire vous fera

Et puis vostre moullier affemme prendera.

Ainsy est ordonné, par le Dieu qui fait m'a,

S'Esclarmonde j menés, jamais ne reueſnd)ra,

Et se serés mourdris s'alés au lès de la.“

Quant Hulin l'entendit, tout le sancq lui mua.

Il a dist au hirault qui ce lui conseilla:

„Amis, quant ceste feste definee sera,

Reuenés a ma court a Bordeaulx par de ca,

Telle rente auerés que bien pourfitera!“

0 ⁴ᷣ