(B¹)

30.

40.

55.

60.

— 5—

Wie dan hie diſer Author thut In der Franzoſen namen,

Die Got durch ain Tiranniſch rut Demütigt hat allſamen.

Derhalb jr billich Läſer all Wie herb auch ſcheint dis ſchreiben

Laßts euch nichts ärgern jzumal Man mus die warhait treiben:

Man mus den Pluthund Pluthund nennen, Dan er iſt je kain Schaf,

Wan man alſo den Nam lernt kennen So wais man auch ſein ſtraf.

Die warhait weils ainfaltig red Vnd nimmer kainem ſchont

Hat nur zu feind das zart gezett Welchs ſchmaichlens iſt gewont,

Vnd vrtailt nur nach eignem won, Welchs thun leichtfärtig gmüter

Die aller Mansſtandmut ſind on Der Redlichait zu wider.

Ir aber ſtandhaft Teutſche herzen Die nun den rum habt lang

Das euch auch fremd vnbill vnd ſchmerzen Zu treuen herzen gang,

Werd dis nach euer Redlichait Aufrecht vrtailen recht

Vnd lernen draus gelegenhait Was euch begegnen möcht.

Drum haißt es auch Reveille matin Des Francois et leur voisin,

Der Weckauf vnd Früweckerin Frankreichs vnd ſonſt Nachbarinn:

Das Früwachauf vnd Früerwach Erſtlich ſeinen Franzoſen

Vnd den Benachbarten darnach Die all eck an ſie ſtoſen.