— 20—

exemplis Geometras initiatus, Aristoteles utatur; idoneis aliis exemplis et Physicis, Meta- physicis, Ethicis, Theologicis etiam et juridicis disputationibus sumtis eas illustret. III.

Volumus enim Aristotelicum lectorem ex fontibus Aristotelicis Graecis non modo logicum organon interpretari, verum etiam Philosophiam seu integram naturæ historiam et Physicis et Metaphysicis libris proponere.

IV. Hiic singulis quadrimestribus binas, unam logicam, alteram Physicam disputatio-

nem publice proponendam curabit. TITULUS VII.

De Professore Ethices. I.

Moralis itidem Professor fontes sectetur priscorum sapientum et Aristotelis libros ad Nicomachum, primis duabus horis semper praelegat. Tertia et 4ta vel ejusdem magna moralia, ut vocantur, et illa ad Eudemum et Oeconomica: Ciceronis etiam moralia scripta nec non Senecae et Plutarchi libellos vere aureos, qui sapientissimis sententiis, aptissimis similitudinibus dulcissima exemplorum ac historiarum veritate et copia, omnibus aliis,

antecellunt. II.

Nolumus hunc in solis Aristotelicis ripis haerere, sed ad ipsos pertendere S. Scripturae limpidissimos fontes. Quibus temperanter miscebit ac superinfundet sententias priscorum Sophorum, Trismegisti, Orphei, Pythagorae, Platonis, Plotini, Procli, Sanctorum item Patrum qua Graecorum qua Latinorum, nec non et Scholasticorum Philosophorum, inprimis Thomae Aquinatis selecta dicta apte commodeque ad mentem auctoris quem inter- pretandum sumpsit, illustrandam conferet. Quae symbola utiliter conducent cum ad ve- ram de vita Christiana demonstrandam doctrinam, tum ad Jurisprudentiae Respublicas et Judicia gubernantis, initia ac fontes cognoscendos. Vulgo namque dici solet: Ubi desinit Ethicus, ibi incipit Juris consultus. mr

Quod magis etiam ex trimestribus disputationibus sedulo instituendis elucescet. TITULUS VIII. De Professore Politicorum et Historiarum. I.

Doctrina Politicorum in aliis Academiis demandari solet Ethico Professori, cum ad Ethicen pertineant, non œconomica, verum etiam Politica. Nos vero certo studio ducti, has lectiones dispertiendas curavimus, Politicemque Doctori Historico assignandam et prae- cepta cum exemplis conjungenda consultius fore censuimus.

II. Is ergo Aristotelis Politica sic explanet ut quam maxime ad nostros mores nos-

traque instituta accommodentur. III.

Nec inutiliter Platonis de Requblica libros cum traditis Aristotelicis conferet, nec