380

XXIII.*)

Au Roy.

Remonstre en toute humilité Lievin Donaes, sécré- taire et curateur de la maison mortuaire de feu Jehan Van Hembyze, comme le dict Hembyze par vraye repen- tance de ses actions passées, desirant restablir l'estat de Flandres par luy troublé, et reduire la ville de Gand soubz P'obeissance de Vostre Majesté, il auroiet éste emprisonné par les rebelles et hereticques, et executé par l'espée, le quatriesme d'aoust quatre vingtz et qua- tre, et par dessus ce condempné au quadruple des de- niers par luy profictez, tant de la dicte ville. que des bourgeois dicelle. Suyvant quoy le dict suppliant se trouve journellement pressé par mess. les eschevins de la dicte ville, pour le furnissement du quadruple des quatre cens florins payez au dict Hembyze par Charles Everwyn, pour la deserviteure de certain estat, non ob- stant que la vefvye du dict Hembyze abres sa mort, ayt esté contraincte de furnir par exécution la somme prin- cipalle par luy profyté. Le tout sans cause, et en vertu de la susdite sentence tant inicque, desraisonnable et tortionnaire. Par ou le dict remonstrant se trouvant par tout oppressé et accablé d'une infimité des crediteurs de la dicte maison mortuaire, se retire vers vre. majte, sup- pliant quelle soiet servye de mestre à néant l'effet de la dicte sentence, et ordonner à mess. les eschevins de la ville de Gand, que desormais ilz se deportent de la poursuite du quadruple des deniers profitez par le dict

Hembyze. Sy ferez bien. 4 *) Voiſin. a. a. O.