366

7

ceste opportunité, et vous employer en ceste conjecture, ainsi que tous les gens de bien s'attendent à vous. Le moyen est de se joindre, faire joindre les aultres de par de là avec vos voysins et confrères de Brabant, les quels s'ils sont abandonnez de vous aultres, pourroyent tom- ber en grans inconveniens, ou mesmes aussi attirer une ruine generale sur tout le pays, de la quelle tant s'en fault que Flandre sera exemptée qu'elle payera le plus cher escot, tant pour estre la plus riche come pour avoir donné en apparence le comencement à ce feu par ce qui s'est passé mesmes depuis IX ou dix ans en ca, et encoir auparavant, quand la conclusion de la retraite des Espagnolz se print, ce qui demeure encoir imprimé à la mémoire de ceulx qui n'oublieront de faire une vengeance exemplaire du tort quilz pensent avoir receu. Il faut doncques ou se préparer à servir sur ung eschaf- fault à toute la postérité de misérable exemple de désu- nion maladvisée, ou bien couraigeusement et unanimement repousser à ce coup la violence est rangère qui ne se peult supporter sans infamie éternelle et entière ruyne.

En cela puisque et pour Vre. bonne prudence et pour le lieu que vous tenez en la Républycque de Flandres, vous mavez la pouvoir moindre que le debvoir qui vous oblige à la patrie, je vous prieray à ceste fois monstrer les fruictz de la vertu dont Vre. bonne renomée a donné ferme espérance et certaine attente au coeur d'ung chacun. Et come je me confie assez que ferez plus que ne vous en seauroy requerir, je ne vous diray aultre chose, sinon que oultre que je seray tousjours prest de vous