ſpanier ſich in dieſem fall vergriffen vnd aus was rechtmeſſigen hochwichtigen vrfachen ſy die herren getrungen worden obenge⸗ rürte erclerung ergehen vnd wider ſy die vffruerige durch ſolche mittel vnd wege verfahren zu laſſen, wie ſie zu erhaltung land vnd leuth daneben auch die vffrurer widerumben zu der bil⸗ lichait ſchuldigem gehorſamb vnd pflicht, damit ſie Ir Kun. Matt. zugethon zubringen werden befinden vnd gar nicht der maynung(Inmaſſen die vnrubigen Hiſpanier andern Kriegsleu⸗ then fälſchlich einzubilden ſich vnderſtehen) in dieſen fall dem andern Ir Kun. Mt gehorſamen Kriegsvolckh, es ſeien Hiſpa⸗ nier, Hochteutſchen, Niderlender, Wallonen oder andere was Nationen dieſelbigen auch ſeien, ir billige bezalung zu entziehen, Sonnder man gedenckt dieſelbigen jres nachſtandts mit gnaden zu befriedigen vnd zuergnuegen mit weiterer gewiſſer verſiche⸗ rung vnd vertröſtung, das wolermelte herren Regenten die ver⸗ ordnung thuen wollen, das Sy die gehorſamen Krigsleuth mit⸗ lerzeit mit dem gewonlich lehengelt vnd vnderhalt verſehen, bis vnd ſo lang mit jnen die abrechnungen fürgenommen vnd die herren Regenten vermittelſt der Kun. Mt vertroſten fürſehung von gelt aus Hiſpanien vnd der hieſigen Landt⸗Stendt ſelbſt hilff vnd zuthuen die mittel bekommen einem jeden Irer Kun. Matt. vnd jr der herren ſelbſt willen vnd maynung nach, mit gnaden zu bezalen.

Vnd damit dieſes der empörten Hiſpanier verurſachtes gefer⸗ liches feuer nicht ferrer angetzundet ond bei zeitten gedempfft werde, ſo gebitten wolermelte herren Regenten an ſtatt Ir Kun. Mat. mit ſonderm ernſt, das niemands, wer der auch ſey von Kriegsleuthen oder andern ſich rottire oder gegen ainiche Stet⸗ ten, Veſtungen, Dörffern vnd vnderthonen Ichts mit der That fürneme vnder was ſchein vnd vrſachen dasſelbig auch geſchehen

—“