35²

da er nit weg gewolt, hat im der Thorwart ein ſtreich mit einem Stecken geben wollen vnd indem er nach dem Bettler geſchlagen hatt der Bettler ſein holen Stab furgeworffen, alſo daß der Thorwart des Bettlers ſtecken troffen, welcher ein hall gelaſſen, wie ein Trummel, vff ſolches der Thorwart ſambtt ſeinen ge⸗ ſellen den Bettler gleich angefallen und in mit ſambt ſeinem ſtecken für die Königin gebracht, ehe es der hertzog Nortuogt innen worden. Alſo iſt die Schelmerei an tag khomen, Alſo hat die Königin ob zwölff bis in ſechzehen große heuptter einge⸗ zogen vnnd den Bettler vierthailen laſſen vnd die Landtſchaft off den letzten Nouember das Recht zu beſitzen vnnd vrthel zu ſprechen beſchreiben laſſen, was weitter gehandlet giebtt die zeitt zu erkennen.

Man hat auch hinder dem hertzog Norttuogt vnnd Arondell ob Achtmal hundert tauſend Kronen gefunden, welche der Düc de Alba zu ſolchem Spiel verordnet gehabt.

Dero wegen mögen die groſſen Potentaten Ir augen wol vff thun vnnd jrer ſachen beſſer war nemen, denn die Spanier trachten mit falſchem hertzen dohin, wie ſie Alles vnder jr Joch pringen möchten. Wo hat Ine dieſe Schelmerey furttgang? Zeit Frankreich oder das Römiſch Reich nit viel fridt mer ge⸗ habtt, dan ſie allbereit drey heffen in Engellant ſchon Innge⸗ habtt.

Der Düc de Alba hatt die franzöſiſchen frontier mit Spa⸗ niern beſetzt und nach dem er ein Ambeſſador inn frannckreich beim König gehabtt, wie der engelländiſch geſanndt in franck⸗ reich zum König ankommen, hatt der ſpanniſch ſich von hoff ohn vrlaub gemacht vnnd dauon gezogen vnnd zu Prüſſel kommen aber mit wenig freuden.

Die ſag, ehe ich Itzo zu Anttorf abſchied, ging für ge⸗ wiß, daß durch den Admiral Krieg in Niderlannt ſolt gefürt