330
Ordo vitae sacerdotalis.
aedificatione recipe. Ad instar sacrificii Christi pro te in cruce oblati, te totum, totaque tua in sacrificium boni odoris sanctissimae Trinitati in aeternum vove, offer, consecra, immola. Consulitur proinde, ut imaginem Crucifixi assidue ad manum habeas ad solatium et devotionem cordis tui. Variarum virtutum actus, praecipue fidei, spei, charitatis, contritionis, patientiae, divinae voluntati subjectionis, tentationum rejectionis frequenter, quam potes elice. Mala daemonum astutia certe in duos salutis scopulos saepe impellimur: per vitam nimis confisi, de salute praesumimus; in morte nimis abjecti, de salute pene desperamus. Contra hos daemonum astus per vitam cum metu et tremore salutem operemur; met in extremis positi per infinita Christi merita in bona salutis spe roboremur et confirmemur. Per crucem ad salutem modo in Christo. Sub invocatione sanctissimi Nominis Jesu pius sacerdos e vita bene transibit ad patriam. Ita det Deus!
-
In manus tuas, Domine, commendo spiritum meum. Domine Jesu Christe, suscipe spiritum meum. Sancta Maria, ora pro me! Maria, mater gratiae, mater misericordiae! tu me ab hoste protege, et hora mortis suscipe.-