APPENDIX AD

ORDINARIUM MISSE.

Typographus Lectori. Sequentia Ordinarium Missæ hucusque non continuit. Sed quum in plurimorum votis sit, ut etiam ritum abso­lutionis post Missam pro Defunctis tum præsente tum absente corpore faciendum in promptu habeant, hinc eumdem commoditatis et utilitatis causa ex editione typica Missalis pro Defunctis exprimere placet.

RITUS ABSOLUTIONIS POST MISSAM

PRO DEFUNCTIS.

inita Missa, si facienda est Absolutio, Celebrans retrahit se ad cornu Epi­stolæ, ubi exuitur casula, et deposito manipulo, accipit pluviale nigrum. Subdiaconus medius inter duos Acolythos cum candelabris accensis defert Crucem, sicut in Processionibus, præcedentibus duobus aliis Acolythis, uno cum thuribulo et navicula incensi, alio cum vase aquæ benedictæ et aspersorio: sequitur Celebrans, facta prius Altari reverentia, et Diaconus a sinistris ejus. Sub­diaconus cum Cruce sistit se ad pedes tumuli seu lectica mortuorum contra Altare, medius inter dictos Acolythos tenentes luminaria: Celebrans vero ex alia parte in capite loci inter Altare et tumulum, aliquantulum versus cornu Epistolae, ita ut Crucem Subdiaconi respiciat: a sinistris ejus Diaconus, et prope eum alii duo Acolythi deferentes thuribulum, et vas aquæ benedicta. Interim cantatur R. Libera me Dómine. ut infra pag. 51*. et circa illius finem Celebrans ponit incensum in thuribulum, benedicens illud more solito, ministrante Diacono naviculam: et finito Kyrie eleison. incipit intelligibili voce: Pater noster. et secreto prosequendo reliqua, accipit aspersorium de manu Diaconi et facta Altari reverentia, comitante eodem Diacono a dextris, et tenente fimbriam anteriorem Pluvialis, circuiens tumulum, aspergit illum aqua benedicta, ter a parte dextera, et ter a sinistra. Cum transit ante Crucem, profunde inclinat, Diaconus vero genuflectit: postea de manu ejusdem Diaconi accipit thuribulum, et eodem modo quo asperserat, incensat. Et rediens ad pristinum locum, Diacono tenente librum, junctis manibus dicit:

V. Et ne nos indúcas in tentatiónem.

R. Sed líbera nos a malo.

V. A porta ínferi. R. Erue Dómine ánimam ejus.

V. Requiéscat in pace. R. Amen.

V. Dómine exáudi oratiónem meam.

R. Et clamor meus ad te véniat.

V. Dóminus vobíscum. R. Et cum spíritu tuo.

Orémus.

A

bsolve, quæsumus Dómine, ánimam fámuli tui N. ab omni vínculo delictórum: ut in resurrectiónis glória, inter sanctos et eléctos tuos resuscitátus respiret. Per Christum Dóminum nostrum.

Deinde Celebrans faciens Crucem manu dextera super tumulum, dicit: