460
Præparatio ad Missam.
DICENDE CUM SACERDOS
INDUITUR SACERDOTALIBUS PARAMENTIS.
Cum lavat manus. Da, Dómine, virtútem mánibus meis ad abstergéndam omnem máculam: ut sine pollutióne mentis et córporis váleam tibi servíre.
ORATIONES
Ad Amictum, dum ponitur super caput. Impóne, Dómine, capiti meo gáleam salútis ad expugnándos diabólicos incursus.
Ad Albam, cum ea induitur. Deálba me, Dómine, et munda cor meum: ut in sánguine Agni dealbátus, gáudiis pérfruar sempitér
nis.
Ad Cingulum, dum se cingit. Præeinge me, Dómine, cíngulo puritátis, et extíngue in lumbis
meis humórem libídinis, ut máneat in me virtus continéntiæ et castitátis.
Ad Manipulum, dum imponitur brachiosinistro. Mérear, Dómine, portáre manípulum fletus et dolóris: ut cum exultatióne recípiam mercédem labóris.
Ad Stolam, dum imponitur collo. Redde mihi, Dómine, stolam immortalitátis, quam pérdidi in prævaricatióne primi paréntis, et quamvis indígnus accédo ad tuum sacrum mystérium, mérear tamen gáudium sempitérnum.
Ad Casulam, cum assumitur. Dómine, qui dixísti: Jugum meum suáve est, et onus meum leve: fac ut istud portáre sic váleam, quod cónsequar tuam grátiam. Amen.