376
omnibus tibi in purgatorio debitis propter culpas et offensas, quas contra Deum, teipsum, et proximum tuum commisisti, et reddo tibi baptismalem innocentiam, in quantum claves S. Matris Ecclesiae se extendunt. Donet tibi misericors Deus, Salvator noster Jesus Christus, vel unicum lacrimosum suspirium ex innumeris illis, quae habuit ipse, dum per tres horas vivus fuit in cruce, quorum efficacia et virtute mitigentur lacrimabiles illi singultus, cordisque pressurae, quibus affligeris, vel ipsa mortis hora affligeris. Ipsaque sanctissima Mater dolorosa, cujus Confraternitatis membrum es, dignetur te vel unico etiam aspectu ex iis, quos ipsa sub cruce stans habuit defigendo in dilectum filium virgineos oculos suos, suscipiendo te in eorum numerum, qui ejus precibus et meritis in die judicii obtinebunt salutem, et vitam sempiternam. Et hoc si de infirmitate, qua aegrotas, decedas: si non, salva sit tibi haec gratia, donec fueris in mortis articulo constitutus ( constituta.) In nomine Patris, et Filii, et Spiritus S. Amen.