2­

Hymnus matutinus.

Lucis largitor splendide,

Cuius sereno lumine Post lapsa noctis tempora Dies refusus panditur.

Tu verus mundi Lucifer, Non is, qui parvi sideris Venturae lucis nuntius Angusto fulget lumine;

Sed toto sole clarior, Lux ipse totus et dies, Interna nostri pectoris Illuminans praecordia.

Adesto rerum conditor,

Paternae lucis gloria,

Cuius admota gratia

Patescunt nostra pectora.

Tuoque plena spiritu,

Secum Deum gestantia, Ne rapientis perfidi

Diris patescant fraudibus.