Chriſtlichen Kirchen. 3 ſpricht: Die Catholiſch Kirch durch alle Welt weit vnd breyt ʒerſtrewet / hat vonChriſto jrem Haupt gelernet / ie ſchmach deß Creutzes nicht ʒufoͤrchten / vnd iſt geſterckt worden / nicht mit widerfechten / ſondern mit Leiden vnd Gedult.

Am broſius lib. de viduis ſagt: Die Kirch vberwindt der widerwertigen Gewalt / nit mit weltlichen Waffen / ſonder mit geiſtlichen Waffen / die da ſtarck ſind fur Gott / zuver⸗ ſtoren die befeſtigung vnd hoͤhe der geiſtlichen Schalckheit Die Waffen der Kirchen ſeynd der Glaub / damit wirdt der Widerſaͤcher vberwunden.

In aller Welt / bekennt Damaſcenus lib.3. ſentent. iſt das Euangelium gepredigt worden / hat aber nit mit Wehr vnnd Waffen / oder mit Kriegen / ſeine Widerſaͤcher vber⸗ wunden / ſonder wenig nackende / arme / vngelehrte / gegeiſſel⸗ te / haben die Weijen dieſer Welt vberwunden.

Item Euſebius Emiſſenus in homilia Dominicæ. poſt Fpiphaniam ſpricht: Die Juͤnger vnd Nachfolger Chriſti ſollen lernen / nicht mit Waffen / ſonder mit Flehen vnd Ge⸗ bet / die Sturmwinde deß wuͤtenden Meers / das iſt die ver⸗ folgungen zuvertreiben: Kuͤnden ſie dieſelben nit ertragen / vermogen ſie ſo groſſen noͤthen nit widerſtehen / ſo ſollen ſie zum HE RREM ſchreyen / jhn auffwecken / vnd ſagen: HERq hilff vns / wir verderben: Alſo ſollen ſie ſich weh⸗ ren / dieſe Waffen ſollen ſie nemmen / mit der Huͤlff ſollen ſie ſich ſchutzen / mit dieſem Schilt ſollen ſie ſich bewahren ⸗ vnd ſie ſollen nicht meynen / daß ſie nicht erhoͤrt ſeyn / wann die Verfolgung nicht auffhort / dann ſie werden gleich ſo wol erhort / wann jhnen Gedult gegeben wirdt die Gefahr zuleiden / als wann alle Verfolgung von jhnen genommen wirdt / dann der HRR weißt was jhnen von nothen iſt. Et

reliqua. Alſ