138 Leichproceß vnd Begraͤbnus.

Deßgleichen hat man des tags ʒuuor Verordnung gethon / daß in allen Flecken vnnd Dorffern / da die Fuͤrſt⸗ lich Leich durch oder neben hin gefůhrt / ſo bald man derſel⸗ ben anſichtig / vnnd ſo weit man dieſelbe ſehen koͤnden / mit allen Slocken gelitten / vnnd von gantzer Baurſchafft / biß man fur den Zlecken oder Dorff fuͤrůber kommen / beglait⸗ tet / vnnd darauff in denſelben Kirchen ein Troſtpredigt auß Gottes Wort / vnnd Chriſtenliche Gebet gehalten worden.

Vnnd ſeien alſo Ihre / Hertzog Friderichs / ꝛc. F. G. ſampt der Fůͤrſtlichen Wittib / vnnd allerſeits bey ſich ge⸗ habtem Hofgeſind / von Stutgarten auß deſſelben tazs in einem Jutter naher Tuͤwingen geraiſet.

Als man aber mit der Fuͤrſtlichen Leich nahend bey Bebenhauſen ankommen / iſt der Abbte / Vogt vnnd Ver⸗ walter alda / ſampt den Schulern vnnd gantzem Cloſterge⸗ ſind / derſelben in der Proecß / biß fuͤr das Thor / entgegen gezogen / vnnd haben die Fuͤrſtlich Leich in das Cloſter be⸗ glaittet / daſelbſten ſie in die Kirchen geſtelt / vnnd vom Præ⸗ laten Eberhardt Bidenbach / der heiligen Schrifft Do⸗ etorn / alsbald ein troſtliche Leichpredigt gehalten / vol⸗ gends die Fuͤrſtlich Leich dieſelbe nacht vber durch geordne⸗ te Trabanten wol verwahrt worden.

In maſſen auch die vom Adel / Carabiner / vnnd an⸗ dere / ſo mit der Fuͤrſtlichen Leich gezogen / mit jhrem zuge⸗ ordneten Hofmeiſter allda gebliben.

Volgen⸗