Dumb dann jhr Trotzen koſtlich ding ſeyn/ vnd /hr Frefſelmuß wol geihan heiſſen. Ihr Perſon brůſtet ſie/ wie ein fetter Wanſt/ ſiethun was ſie nur gedencken/ Sie vernichten alles vndreden vbel davon/ vnd reden vnd laͤſtern hoch her/ was ſie reden das muß vom Him̃el herabge⸗ redt ſein/ was ſie ſagen/ das muß gelten auff Erden.
Aber laß ſie grunen wie die ſchonen Lorbeerbaum/ lß ſietrotzen vnd pochen/ laß ſie laͤſtern vnd verfolgen/ laß ſie Halßſtarrig injren Suͤn⸗ den vorfahren: Vrylotzlich/ wañ ſie ſich deſſen am wenigſten verſchen ⸗ wirdt ſie das Vngluck vberfallen/ vnd wirdt ſie todten.
Gleich als wolte er ſagen/ es darff ſich Gott nicht viel bemůhen/ das Er ſolche Gottloſe Leuttodte/ jre Suͤnde/ hr Irrthumbvnd Vn⸗ glaub/ jr leſtern/ verfolgen/ jr Suͤndliches vñ Gottloſes weſen vndte⸗ ben/ wirt ſie todten/ dañ der Suͤnden Soldt iſt der Todt/ ſagt Paulus. Rom. o.
Vnd verſtehet Gotider Heylige Geiſt hie durch das Wortlein Todten/ nicht nur den ʒeytlichen Todt/ deſſen alle Menſchen vmb der Suͤnden willen ſterben muͤſſen/ Sondern auch den ewigen Todt. Dann wie die Schrifft ſagt: Heiſts Impiorum mors peſſima, Der Pſal. z⸗ Gottloſen Todt iſt der aͤrgſte vnd ſchrocklichſte/ weil ſie ohne rechte wahre Buß vnd Bekehrung zu Gott dahin gehen/ ſo nemmen ſie ein End mit ſchrecken/ vndwie den Frommen vnd Glaͤubigen der zeüli⸗ liche Todt/ ein Endt all jhres zeitlichen Jammers/ vnd ein Thuͤr vnd Eyngang ins ewige Leben iſt. Alſo iſt den Gottloſen derʒeytliche Todt ein Anfang jhres ewigen Jammers/ vndein Thuͤr vnd Eyngang in jmmerweßrende ewige Qual/ Marter/ vnd Pein deß Helliſchen Feu⸗ wers/ daß jhnen vnd allen Teuffeln bereitet iſt.
Vnd ſagt. Dauid noch eins: Die den Gerechten haſſen/ werden Schuldt haben: Hie in dieſer Welt werden die ſo von Chriſii Wort/ Vnrdnung/ vñ Satzungen nach jrem eignen Gutduͤncken lehren/ gleu⸗ ben/ vnd halten/ vñ vngeachtet ſie in Verdam̃lichen Irrthumben ſte⸗ cken/ fůr die frömbſten vnd heyligſten Leute gehalten/ vnd wiwol ſie den Gerechtẽ haſſen/ ſo muß es doch bey jnen recht vñ wolgethan ſeyn.
Vndtrutz ſag zu ſolchen Leuten/ das ſie jrren/ vnd deß Wegs der Warheit fehlen/ vnd daß ſie dieſeyn/ die den Gerechten haſſen/ Sage es jnen/ ſprich ich/ vnd entlauffe jnen nit. Trutz ſag dem Epicuriſchen Geſindlein/