25(P)5e Warhaffter Kegenſatz des vorherſtehenden Carminis.

IEr in ſechs Jahren ſein und andre Koͤnigreiche⸗ Ins Vngluͤck ſtuͤrtzete/ und mehr begluͤckte Streiche Als Kriegesproben that/ der(ſo kein Wunderding) Wie andre uͤbers Eys mit ſeinem Volcke gieng. Der Polnſcher Macht entwich/ und dann fuͤr ſeinen Feinden Sich hinters Meer verbarg/ der den Helffern und Freunden/ Nie treu war/ der mit Schimpff fuͤrs Reuſchiſch Kaͤyſer⸗

thumb Sicch beugte/ als es Ihm mit ſeinem ſchlechten Ruhm Einn Theil von Lieffland hahm Heetauſf im Reiche Schwe⸗

den Das Volck verſamlete/ und ſolches wolt bereden/ Es ſolt das uͤbrige und Reſtlein ihrer Macht Hergeben/ abzuthun/ der gab da gute Nacht. So hefftia/ als er hat nach Vnruh hie gerungen/ So hat Ihn doch der Tod zu ruhen eins bezwungen/ DLrr alle Menſchen zwingt. Viel freuen ſich hierbey/ In Meynung/ daß mehr Leid hiedurch verhuͤtet ſey. Ach GOtt/ du biſt es GOtt/ der uns durch Ihn geſtraffet/ Ach GOtt/ du biſt allein/ der Ruh und Friede ſchaffet/ Nim unſre Suͤnden weg/ den Suͤndenlohn wend ab/ Vnd wirff/ was gerne kriegt/ mit Carlen in das Grab! Wir bittens/ HErr/ von dir/ und wollens froͤlich hoffen: Haͤlt Schweden aber doch die Thuͤr des Vngluͤcks offen/ So weiſe doch/ o HErr/ daß es dir gelte gleich/ Du nehmſt den Koͤnig weg/ du ſtraffſt das Koͤnigreich.