es gantz dürre werden/ zerpflückẽ es/ dörren es dennoch noch einmal auff dem fewer in gefessen/ welche sie darzu gebrant haben /heyssen neppaun/ darnach stossen sie es klein inn ei⸗ nem höltzern mürsser/ vnnd seihen es durch ein sieb/ machen es so zu meel/ das wert lange zeit/ dann sie haben keinen ge⸗ brauch fisch vnd fleisch zu saltzen. Solch meel essen sie dann zu dem wurtzel meel/ vnd es schmecket zimlich wol.

Wie sie jrespeiß gar machen. Caput j.

5 seind viel geschlecht der völcker die kein saltz essen. Die jenigen da ich vnter gefangen war/ deren etliche WMessen saltz/ welchs sie von den Frantzosen/ die mit jnen handeln/ gesehen hatten. Aber sie berichten mich Wie ein Nation völcker/ daran jr landt stösset/ heyssen die Karaya/ landtwerts hinein von dem Meer ab/ die da saltz machtẽ von palmen beumẽ/ vñ da sselbige essen/ aber die sein viel brauch ten zu essen/ lebten nicht lang. Vnd sie machen es auff den ge brauch/ daũ ich es sahe vnd darzu halff: Sie hawen einen di⸗ cken palmen baum vmb/ vnd kliberen den in kleine spreißlin/ machen darnach ein gestelle von trucknẽ holtz /legẽ die spreiß⸗ lein darauff/ vñ verbrennẽ sie mit dem dürrẽ holtz zu äschen⸗ von der äschen machen sie laugen/ vnd die sieden sie/ dz schei⸗ det sich wie saltz. Ich meinet es were Salpeter gewesen/pro⸗ bieret es im fewr/ war aber keiner ⸗ schmackte wie saltz/ war graw von farbẽ/ Aber der mehrertheil völcker essen kein saltz. Weñ sie etwas sieden/ es sey fisch oder fleisch/ thun sie ge⸗ meinlich grünen pfeffer dariñ/ vnd wann es zimlich gar ist/ heben sie es auß der brüt/ vnd machen dañ einen dünnen brey drauß/ den heyssen sie Mingau/ drincke jn auß 8 welche