schickt/ allerley erbieten vnsernt halben gesetzt/ So habt jr doch daneben des schreibens halben von dem Passaw⸗ ischen vertrag/ auch andere puncten mehr/ vnser ehr vnd glimpff belangent/ der massen ein fürung gethan/ das wir dar aus ewer gemüt vnd zu naigung gegen vns wol vermercken können/ welchs jr aber hernach im wer noch ferner bewisee n Dann ob jr vns wol verschiner zeit etlich mal freundt⸗ lich geschrieben mit einfürung allerley frembder sachen/ so habt jr doch inn etlichen eweren letzten Schrifften/ al⸗ le mal mit angehenckt/ das wir die vnsern so diser zeit iñ der ainigungs verwanten zu Francken/ dienst besoldung vnd Aidt zu jrer Defenston seindt/ fürderlich wider ab⸗ fordern solten/ one zweiffel der maynung/ wañ wir solchs nicht theten/ das jr vngeachtet/ alles eweres freundtlichen erbietens jeder zeit zu ewerer gelegenheit daraus vrsach gegen vns vnd die vnsern/ feindtlich zu handlen suchen Môͤchte e:: 4 190 h 2 d Das auch ewer gemüt gegen vns so freundtlich nit ge⸗ standen/ als wol die wort vnd schreiben gelautet/ solchs erscheint vnter anderm auch/ aus dem das sr baldt dar⸗ auff stilschweigendt/ vnnd vnser gantz vnersucht dem alten herkommen/ zu wider mit ewerem Kriegßvolck

durch vnser vnnd des Hochgebornen Fürsten/ vnsers

freundtlichen lieben Bruders/ Hertzog Augusten zu Sachsen Fürstenthum gezogen.

Vnangesehen auch das jr euch hochberümbt/ vnd ei⸗ nen glimpff schöpffen wöllen/ wie solcher ewer durchzug one vnsern/ oder der vnsern schaden beschehen/ Mann nun schon dasselb also were/ als wir doch von etlichen der vnsern vil eines andern berichtet/ so konten wir doch solchs nit so hoch ewerem guten willen/ als ewerer ande⸗ rer gelegenheit dardurch jr ewern vortheil gesucht/ zu 0 0 b rechnen/