‚der

Der knab das woꝛdt dir fuͤr hat gehalten

Huͤt dich wañ mein pferd das ſchlecht dich

Darmit anʒeygt er eygendtiich

Das es ein groſſe thoꝛheyt wer

Das ſich ein man geb inn ſolch gfer

Nem die/ ſo voꝛ zwen man het gehabt

Os gleych reych wer vnd wol begabt

Bey den ſie verboſt vnd verargt

Wer inn jrm eygen ſyn verſtarckt

Das nyemd moͤcht beinigen die Frawen

Denn allein ſchauffel vnd die hawen

Wie man den ſagt von dieſen ſachen

Alt Hundt boͤß bendig ſindt zu machen

Verloꝛen iſt all trew vnd gut

Zu endern ein verſtoͤckt gemuͤt

Wolſt dus denn bendigen mit zoꝛen

Mit rauffen/ ſchlagen vnd rumoꝛn

So muſtu mit dem alten fratzen

Dein lebtag ziehen die ſtreb katzen

O der der Narꝛ bleyben imn dem hauß

Juͤngling nun wel dir eine ſelber auß

Die erſte/ ander/ oder dꝛitt

Auff das dir inn der Ehe darmit— 7