20—
46 Gießiſcher Leichpredigten 3 wie der H. Job ſagt/ ſondern fuͤr vnd fuͤr/ bey dem ewigen Gott ha⸗ ben wir vnſer bleibens/ feſte Burg vnd Huͤtten/ ſo nicht mit Henden gemacht; Alſo bettet David/ Pſal.1. Eſto mihi in Deum pro- tectorem& in locum refugii, Sey du mein Schirm vnd die ſiet⸗ te meiner Zuflucht: Item/ wie groß iſt deine gute/ die du verborgen haſt denen die dich fuͤrchten/ vnnd erzeygeſt denen die fuͤr den Leuten auff dich trawen: Du verbirgeſt ſie heimlich bey dir fuͤr jedermans Trotz/ du verdeckeſt ſie in deiner Huͤtten fuͤr den zaͤnckiſchen Zun⸗ gen. Pſal. 31. In dem haben wir ein ewiges Hauß vnd Burg/ vnnd alſo auch mitten in dem Todte: Gutes vnnd Barmhertzikeit wer⸗ den mir folgen mein lebenlang/ vnnd werde bleiben im Hauß deß Herꝛen jmmerdar/ bſal. 23. Wir wiſſen das/ ſo vnſer Irꝛdiſches Hauß dieſer. Huͤtten zerbrochen wirt/ daß wir einen Baw haben von Gott erbawet/ ein Hauß haben nit mit Henden gemacht/ das Ewig iſt im Himmel/ z. Cor.. Das iſt der Gott/ der da iſt vnd bleibet von Ewigkeit zu Ewigkeit/ fuͤr dem tauſent Jahr ſindt/ wie der Tag der geſtern vergangen iſt/ das Hauß bleibet vns/ wann Himmel vnd Erden vergehen/ Plal. 0 ½. Darnach muſſen wir trachten/ in wa⸗ rem Glauben/ in beſtendiger Hoffnung vnndeinem E hriſtlichem wandel/ vnd den Troſt faſſen/ daß ob wol Gott vns allhie leſſet ſter⸗ ben/ ob wol wir dahin fahren/ wie ein Strom/ ſo haben wir doch ein Hauß bey G Ott/ in Gott iſt vnſer Zuflucht/ mitten im Todt/ zu
dem vnſer Seelen verſamblet werden/ deſſen gnade waltet vber vnd
fuͤr vnd fuͤr/ Pſal. 103. vnd ſind da die Seelen der Gerechten in Got⸗ tes Hand/ da ruͤhret ſie kein Qual/ Sap.z „ III. Weylauch Moſes zu Gott ſpricht/ Der du die Men⸗ ſchen leſſeſt ſterben/ lernen wir/ daß vnſer leben nicht ſtehet in vnſer gewalt /ſondern in Gottes Hand /gleich wie ein Gefaͤß in der Hand eines Toͤpffers iſt/ daß er macht hat zu zerbrechen oder zu erhalten/ vnd ſollem demnach im Leben vnd Sterben auff den Herꝛn ſehen: Wann er ſpricht: Gehe hin in dein Kammer/ ſollen wir ſagen/ wañ mein Gott will ſo will ich mit/ hinfahren im Fried/ ſterben iſt mein . gewinn